Աշխարհի գավաթ․ Վահագն Դավթյանը, Արթուր Ավետիսյանը և Գագիկ Խաչիկյանը եզրափակիչում են
Սպորտ![Աշխարհի գավաթ․ Վահագն Դավթյանը, Արթուր Ավետիսյանը և Գագիկ Խաչիկյանը եզրափակիչում են](/timthumb.php?src=disc/23-02-24/026cfd4ea614d5a4c211cee2aa68e78c.jpg&w=780)
Գերմանիայի Կոտբուս քաղաքում մեկնարկած սպորտային մարմնամարզության աշխարհի գավաթի խաղարկության երկրորդ փուլում Հայաստանի ներկայացուցիչներից օղակների վարժության եզրափակիչ են դուրս եկել Վահագն Դավթյանն ու Արթուր Ավետիսյանը։
Նժույգ թափերում որակավորման փուլի արգելքը հաղթահարել է եւ պայքարը մեդալի համար կշարունակի Գագիկ Խաչիկյանը։
Փետրվարի 23-ին հենացատկի որակավորմանը կմասնակցի նախորդ փուլի հաղթող, Օլիմպիական խաղերի բրոնզե մեդալակիր, Եվրոպայի կրկնակի և աշխարհի չեմպիոն Արթուր Դավթյանը։
Աշխարհի գավաթի փուլերը վարկանիշային են Փարիզի Օլիմպիական խաղերի համար:
![](banners/armflix.jpg)