Ճամբարակ, Ջերմուկ, Կապան, Բերդ քաղաքներում վորքաութ տեսակի մարզահրապարակներ կկառուցվեն

2024 թվականի պետբյուջեով կապիտալ ծրագրի համար նախատեսված և օբյեկտներով չբաշխված գումարներից կկատարվի վերաբաշխում 638 միլիոն 444 հազար գումարի չափով, որը կուղղվի մանկապարտեզների և մարզադպրոցների, ինչպես նաև վորքաութ տեսակի մարզահրապարակների նախագծմանն ու կառուցմանը: Այդ մասին որոշման նախագիծը Կառավարության՝ փետրվարի 23-ի նիստին ներկայացրեց ԿԳՄՍ նախարար Ժաննա Անդրեասյանը:

Ըստ նախարարի՝ 500 մանկապարտեզների կառուցման, վերակառուցման, հիմնանորոգման ծրագրի շրջանակում ընտրվել են 450 հաստատություններ, որոնցից 139-ում ավարտվել են շինարարական աշխատանքները, ընտրված մանկապարտեզներից 12-ի շինարարությունը նախատեսված է իրականացնել Հայաստանի տարածքային զարգացման հիմնադրամի պատվիրատվությամբ և Համաշխարհային բանկի աջակցությամբ:

«Հինգ մանկապարտեզների մասով վարկային միջոցները լրացնելու կարիք ունենք, այսինքն՝ պետական բյուջեից հավելյալ հատկացումների, և այդ ֆինանսավորումն ենք, ըստ էության, ապահովում, ինչպես նաև ապահովում ենք երկու մարզադպրոցների կառուցումը: Այսպիսով, նախագծով 461,4 միլիոն դրամ գումար է հատկացվում 5 մանկապարտեզների համար, որոնցից 3-ը նախագծման աշխատանքներ են, մյուսը՝ կառուցման, մյուսը՝ վերակառուցման»,- ասաց նախարարը:

173,6 միլիոն դրամ կհատկացվի 2 մարզադպրոցների համար, որոնք կկառուցվեն Արմավիրի մարզում: 10 վորքաութ տեսակի մարզահրապարակների համար կհատկացվի 4,6 միլիոն դրամ: Մարզահրապարակները կկառուցվեն Գեղարքունիքի, Տավուշի, Վայոց ձորի և Սյունիքի մարզերում, իսկ ավելի կոնկրետ՝ Ճամբարակ, Բերդ, Ջերմուկ, Կապան քաղաքներում:

ՀՀ վարչապետ Նիկոլ Փաշինյանը կարևորեց վորքաութ տեսակի մարզաձևը՝ ընդգծելով, որ այն աշխարհում ավելի ու ավելի պոպուլյար է դառնում:

«Մեր վերլուծությունները ցույց են տալիս, որ նաև փողոցներում նման ենթակառուցվածքների գոյությունը լավ միջոց է պատանիներին, երիտասարդներին քրեածին հակումներից, դրսևորումներից հետ պահելու և նրանց էներգիան այլ ուղղությամբ զարգացնելու համար»,- ասաց վարչապետը, ապա ընդգծեց, որ մեխանիզմներ է պետք ստեղծել, որպեսզի մարդիկ դա օգտագործեն, ուստի նաև Վորքաութի ֆեդերացիան այստեղ անելիք ունի:

Այս թեմայով Լարսը փակվել է բոլոր տեսակի տրանսպորտային միջոցների համար Չզարմանաք, եթե այդ «Բաստիոնները» տեսնեք ոչ թե մարտի դաշտում, այլ Հայաստանի քաղաքներում՝ ցույցեր ցրելիս․ Վրթանեսյան Քանի որ շատ կապանցիներ հնարավորություն չունեն գնալ Լոնդոն, Բեռլին կամ Նյու Յորք, ուստի մենք աշխարհն ենք բերում Կապան. Սևակ Ավանեսյան Ոստիկանությունը նոր տեսակի հատուկ միջոցներ է կիրառել՝ «Զարյա 3», ջրանետ մեքենա, աերոզոլային փոշեցրիչ Լարսը բաց է բոլոր տեսակի տրանսպորտային միջոցների համար Հայտնի քրեական հեղինակության մոտ հայտնաբերվել է «Մակարով» տեսակի մարտական ատրճանակ Բերդ համայնքի Տավուշ բնակավայրում գործարկվելու է էլեկտրական շչակ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար Մեկնարկել են Բերդ ամրոցի եկեղեցու վերականգնման շինարարական աշխատանքները