Լիվերպուլը գլխավոր մարզչի պաշտոնի երեք թեկնածու ունի
Սպորտ![Լիվերպուլը գլխավոր մարզչի պաշտոնի երեք թեկնածու ունի](/timthumb.php?src=disc/25-02-24/1a5c64b3d3958d45d55d93c53e106b48.jpg&w=780)
Գերմանացի մասնագետ Յուրգեն Կլոպը մրցաշրջանից հետո կլքի «Լիվերպուլը»։ Անգլիական ակումբը գերմանացուն փոխարինելու երեք թեկնածու ունի։
«Լիվերպուլի» ֆավորիտը ներկայիս մարզիչին փոխարինելու համար Խաբի Ալոնսոն է, ով այս մրցաշրջանում գերազանց արդյունքների է հասել Լևերկուզենի «Բայերի» հետ։ Այնուամենայնիվ, եթե իսպանացին որոշի մնալ իր ներկայիս ակումբում կամ տեղափոխվի Մյունխենի «Բավարիա», ապա մերսիսայդցիներն այդպիսի սցենարի դեպքում ևս ծրագիր ունեն:
The Telegraph-ը հայտնում է, որ երկու մարզիչ գտնվում է «Լիվերպուլի» դիտակետում: Նրանք են Ռուբեն Ամորիմը «Սպորտինգից» և Յուլիան Նագելսմանը, ով ներկայումս գլխավորում է Գերմանիայի հավաքականը։
Պորտուգալացին վաղուց ընդգրկված է նոր սերնդի ամենատաղանդավոր մարզիչների ցուցակներում։ Նրա թեկնածությունն արդեն դիտարկում են շատ թոփ ակումբներ։ Ամորիմը դեռ երկու տարվա պայմանագիր ունի «Սպորտինգի» հետ, ուստի նրա ծառայություններով հետաքրքրված ցանկացած ակումբ պետք է պայմանագրի փոխհատուցում վճարի: Խոսքը 15 միլիոն եվրոյի մասին է։
Այդ դեպքում ավելի հեշտ է պայմանագիր կնքել Նագելսմանի հետ, ում պայմանագրի ժամկետը Գերմանիայի ֆեդերացիայի հետ ավարտվում է Եվրո 2024-ից հետո։
![](banners/armflix.jpg)