Հռոմի պապը խոսել է ուկրաինական հակամարտության ավարտի մասին

Հռոմի Ֆրանցիսկոս պապը Վատիկանի Սուրբ Պետրոսի հրապարակում ավանդական կիրակնօրյա քարոզից հետո կոչ է արել դիվանագիտական լուծում գտնել Ուկրաինայի հակամարտությանը։ Այս մասին հայտնում է «ՌԻԱ Նովոստի»-ն։ 

«Երեկ՝ փետրվարի 24-ին, մենք ցավով նշեցինք Ուկրաինայում լայնամասշտաբ պատերազմի մեկնարկի երկրորդ տարելիցը», -ասել է պոնտիֆիկոսը։ Ըստ նրա՝ սա աներևակայելի երկար ժամանակաշրջան է, որի վերջը չի երևում։

Նա նշել է, որ հակամարտությունը ոչ միայն կործանում է տարածաշրջանը, այլև վախի և ատելության համաշխարհային ալիք է առաջացնում։