Ապրիլի 8-ին տեղի կունենա Արեգակի ամբողջական խավարում (տեսանյութ)

Ապրիլի 8-ին տեղի է ունենալու Արեգակի ամբողջական խավարում։ Տեղեկությունը հայտնում է «Հիդրոօդերևութաբանության և մոնիտորինգի կենտրոն» ՊՈԱԿ–ի տնօրեն Լևոն Ազիզյանը։

«Ըստ NASA-ի տվյալների` ամբողջական խավարման ընդհանուր փուլը, երբ երկինքը լիովին կմթնի, կտևի 268 վայրկյան, ստվերի լայնությունը կկազմի 199 կմ, և այն կարելի է դիտել Մեքսիկայում, ԱՄՆ-ում և Կանադայում։ Մասնակի խավարումը տեսանելի կլինի Հյուսիսային Ամերիկայում, ինչպես նաև Արևմտյան Եվրոպայի և Կենտրոնական Ամերիկայի որոշ մասերում: Արեգակի այս խավարումը Հայաստանի տարածքում չի դիտվի»,– ֆեյսբուքյան իր էջում գրել է Ազիզյանը։

Նա նշել է, որ Արեգակի հաջորդ ամբողջական խավարումը կլինի 2042 թվականի ապրիլի 20-ին։

Ամբողջական խավարման պահին այն դիտարկվող կետում օդի ջերմաստիճանը որոշ դեպքերում իջնում ​​է նույնիսկ ավելի քան 10 °C-ով՝ համեմատած խավարմանը նախորդող ժամանակի հետ։ Ջերմաստիճանի նման կտրուկ անկումը կարող է հանգեցնել ամպերի առաջացման կամ անհետացման և քամու արագության կտրուկ փոփոխության։

Այս թեմայով Արեգակի խավարում․ սա իրական նկար է․ Գագիկ Սուրենյան Երբ Հայաստանում կդիտվի Արեգակի մասնակի խավարում Հոկտեմբերի 14-ին տեղի է ունեցել Արեգակի օղակաձև խավարում (տեսանյութ) Դեկտեմբերի 8-ին տեղի կունենա Մարսի խավարում Նոյեմբերի 8-ին կդիտվի Լուսնի լրիվ խավարում «Արյունոտ Լուսին». այս գիշեր տեղի կունենա Լուսնի ամբողջական խավարում Հոկտեմբերի 25-ին տեղի կունենա Արեգակի խավարում Հրապարակվել են այսօր տեղի ունեցած օղակաձև արևային խավարման լուսանկարները