Նիկոլ Փաշինյանին «առևանգել» և «փոխարինե՞լ» են

Ռուսաստանի Դաշնություն և ԱՊՀ այլ երկրներ արտագնա աշխատանքի մեկնած հայաստանցիները փաստի առաջ են կանգնել։ Հազարավոր քաղաքացիներ, որոնք աշխատելու նպատակով Ռուսաստան են մեկնել, գումար վաստակել, ապա վերադարձել Հայաստան, նամակներ են ստացել ՊԵԿ-ից, որ 100 հազար դրամից մինչև մեկ միլիոն դրամ հարկային պարտավորություն ունեն և պետք է վճարեն այդ գումարները։ ԱՊՀ կառավարությունները 2018 թ․-ին Աստանայում կնքել են մի համաձայնագիր, որով էլեկտրոնային եղանակով հարկային տեղեկատվություն է փոխանցվում ԱՊՀ անդամ երկրներին։ Հայաստանն արձանագրությունը վավերացրել է 2020 թ․-ի փետրվարին։ Հենց այդ արձանագրության շրջանակում էլ ՊԵԿ-ը ստացել է ֆիզիկական անձանց եկամուտների մասին տեղեկատվությունը և սկսել է գումարային պահանջներ ներկայացնել։ Սակայն, հաշվի առնելով, թե ինչպիսի ռեզոնանս առաջացրեց այդ որոշումը, ՊԵԿ-ը հետ քայլ է արել և որոշել է հարկել միայն այն արտագնա աշխատանքի մեկնած քաղաքացիներին, ում եկամուտը կգերազանցի 12 միլիոն դրամը:

Սակայն, այս ողջ պատմության մեջ ուշագրավ է այն տրանսֆորմացիան, որը տեղի է ունեցել վարչապետ Նիկոլ Փաշինյանի հետ: Դիցուք՝ 2019 թվականին վերջինս հայտարարում էր, որ արտագնա աշխատողները չեն հարկվելու՝ ավելացնելով, որ կառավարությունը չունի նման ծրագիր։

Իսկ ընդամենը օրեր առաջ կառավարության նիստի ընթացքում Փաշինյանը հոխորտում էր՝ հայտարարելով, թե ո՞նց կարող են արտագնա աշխատանքի մեկնած քաղաքացիները հարկեր չվճարել, հակառակ դեպքում՝ օրենքով սահմանված պատասխանատվություն պետք է կրեն: «Արտագնա աշխատանքի մեկնողները օդանավակայանից են գնում, չէ՞, այդ օդանավակայանի ճանապարհը ո՞վ է կառուցում: Որտեղի՞ց եք մեկնել, ի՞նչ ճանապարհով եք գնացել: Ուրեմն Հայաստանում աշխատած, հարկ վճարածների հաշվին  ճանապարհից մի՛ օգտվեք: Մերձդաշտյա ճանապարհներով, հնձեք էդ եղեգները ու այդպես հասեք օդանավակայան կամ Զանգուի ձորով, բնաշխարհը վայելելով, ոտ-ոտ հասեք Երևան»,- ասել էր նա:

Ի՞նչ է ստացվում․ կամ Նիկոլ Փաշինյանը սկզբունքայնության հետ կապված ակնհայտ խնդիրներ ունի և ընդամենը 4 տարվա ընթացքում կարող է կտրուկ փոխել իր դիրքորոշումը այս կամ այն առանցքային հարցի վերաբերյալ, կամ էլ վարչապետին ընդամենն առևանգել են և փոխել և այժմ Հայաստանը ղեկավարում է անձ, ում համար քաղաքացին հարկվելու բացարձակ մատերիալ է, իսկ ժողովրդի բարեկեցութունը տասներորդական նշանակության հարց...

Այս թեմայով Էլեկտրաէներգիայի շուկայի ազատականացումը նոր ներդրումներ է բերել․ Փաշինյան Հովիկ Աղազարյանը պատրաստ է Նիկոլ Փաշինյանի փոխարեն Բաքու մեկնել Գնալու ենք տեսնենք, թե կարտոֆիլի և կաղամբի հետ պրոբլեմ լինելու է, թե ոչ. Փաշինյան Լուծվում են միայն այն հարցերը, որոնք ճիշտ են ձեւակերպված․ Փաշինյան Նիկոլ Փաշինյանն Էջմիածնում է․ հայտնի է այցի նպատակը Թաթայի մենահամերգը Գյումրի է բերում նաև Նիկոլ Փաշինյանին. Aravot.am Նիկոլ Փաշինյանը տիկնոջ և դստեր հետ վերադարձել է Հայաստան Նիկոլ Փաշինյանին ասել եմ` Դուք չեք կարող լինել Հայաստանի վարչապետ, Դուք պատրաստ չեք երկիր ղեկավարել. Կարապետյան Խստորեն դատապարտում ենք Դոնալդ Թրամփի վրա հարձակումը․ Փաշինյան ՀՀ զբոսաշրջիկների թիվը չի դարձել 15 մլն․ Նիկոլ Փաշինյանը կրկին ստել է