Ռուսական հատուկ ծառայությունները երկրում իրականացնում են «Մայդան-3» գործողություն. Ուկրաինայի հետախուզություն

Ուկրաինայի պաշտպանության նախարարությանն առընթեր հետախուզության գլխավոր վարչությունը հայտնել է, որ ռուսական հատուկ ծառայությունները երկրում իրականացնում են «Մայդան-3» գործողությունը՝ նպատակ ունենալով խաթարել նախագահ Վոլոդիմիր Զելենսկու լեգիտիմությունը նրա պաշտոնավարման ժամկետի ավարտից հետո, գրում է Kommersant-ը։

Կոմիտեի տվյալներով՝ գործողության ակտիվ փուլը տեղի կունենա այս տարվա մարտից մայիս։ Կոմիտեի կարծիքով՝ ռուսական հատուկ ծառայությունների պլանի համաձայն՝ Ուկրաինայում իրավիճակը «կապակայունացվի» մինչև հունիսի առաջին կեսը։ Իսկ այս պահին Ռուսաստանը մտադիր է հարվածներ հասցնել ուկրաինական զինված ուժերին արևելքում։

Զեկույցում ասվում է, որ ռուսական հատուկ ծառայությունները նախատեսում են օպերացիա իրականացնել ոչ միայն Ուկրաինայի ներսում, այլև դրանից դուրս՝ նպատակ ունենալով «մյուս երկրներին մղել» ուղիղ երկխոսություն սկսել զինված հակամարտության շուրջ՝ առանց ուկրաինական իշխանությունների մասնակցության։

Ըստ կոմիտեի՝ Ռուսաստանը մտադիր է բողոքի ցույցեր կազմակերպել ամբողջ աշխարհում՝ հասարակության մեջ «դավադրության տեսություններ» տարածելով։

Այսօր ավելի վաղ ուկրաինական «Зеркало недели» հրատարակությունը հայտնել էր, որ նախագահի աշխատակազմը մտադիր է դիմել երկրի Սահմանադրական դատարան՝ Վլադիմիր Զելենսկու լիազորությունների օրինականության հարցով մայիսի 20-ից հետո, երբ լրանա նրա նախագահական ժամկետը։ Իշխանությունները մտադիր են պարզել նաև՝ հնարավո՞ր է արդյոք երկրում նախագահական ընտրություններ անցկացնել ռազմական դրության պայմաններում։

Ուկրաինայում նախագահական ընտրությունները պետք է կայանային 2024 թվականի մարտի 31-ին, սակայն չեղարկվել են ռազմական դրության պատճառով։ Ինքը՝ Զելենսկին, հրաժարվել է ընտրություններ անցկացնել՝ պատճառաբանելով, որ ուկրաինացիների մեծամասնությունը նման պայմաններում քվեարկությունը համարում է «վտանգավոր և անիմաստ»։

Այս թեմայով Եվրոպական խորհուրդը հաստատել է Մագդալենա Գրոնոյին Հարավային Կովկասում ԵՄ հատուկ ներկայացուցչի պաշտոնում ԵՄ-ն ռուսական սառեցված ակտիվներից 1,5 միլիարդ եվրո է հատկացրել Ուկրաինային Օգոստոսի 3-ին և 10-ին անձնագրային ծառայությունները կաշխատեն Կիևը պատրաստ է բանակցել Մոսկվայի հետ. Ուկրաինայի ԱԳՆ «Դժվար է ավելի վատ բան մտածել». Պեսկովը՝ Ռուսաստանի ակտիվներից Ուկրաինայի համար զենք գնելու մասին Վերջ, Բայդեն, Ուկրաինայում «ռազմական հատուկ գործողության» նպատակները կիրագործվեն. Մեդվեդև Հայ-ռուսական համալսարանում մեկնարկում է առկա բակալավրիատի ընդունելության լրացուցիչ փուլը Հյուսիսային պողոտայում փրկարարներն իրականացնում են վտանգ ներկայացնող երկշերտ ապակու ապամոնտաժում Լվովում սպանվել է Ուկրաինայի ամենառուսատյաց քաղաքական գործիչ Իրինա Ֆարիոնը Խանութներից հետ չի կանչվել ռուսական արտադրության սառեցված հավի ու հավի մսով կոտլետների այն խմբաքանակը, որտեղ ՍԱՏՄ-ն ախտածին սալմոնելաներ է հայտնաբերել