Վարչապետը ներկայացրել է կառավարության ֆինանսավորմամբ իրականացված սուբվենցիոն ծրագրերի ընթացքը

Վարչապետ Նիկոլ Փաշինյանը մանրամասներ է ներկայացրել երկրի տարբեր բնակավայրերում կառավարության ֆինանսավորմամբ իրականացված մի շարք սուբվենցիոն ծրագրերի մասին:

Կառավարության՝ փետրվարի 29-ի նիստում վարչապետը մանրամասներ է ներկայացրել այդ ծրագրերի ծավալի և ընթացքի մասին:

Ըստ այդմ՝ ավարտվել են Արագածոտնի մարզի Աշտարակ խոշորացված համայնքի 24 բնակավայրերի գերեզմանատներում կատարված բարեկարգման աշխատանքները:

Ավարտված են նաև Ապարան խոշորացված համայնքի Ապարան բնակավայրի փողոցների և բնակելի շենքերի բակային տարածքների ասֆալտապատման աշխատանքները:

Արարատի մարզի Արտաշատ խոշորացված համայնքի Վարդաշեն, Մրգանուշ բնակավայրերում կատարվել է փողոցների՝ 1.1 կմ երկարությամբ ասֆալտապատման աշխատանքների 95 տոկոսը:

2023 թվականին 95 տոկոսով կատարվել են Մասիս խոշորացված համայնքի Մասիս բնակավայրի 3-րդ թաղամասի թիվ 11, Մասիս կայարանի թիվ 10 և 13 բազմաբնակարան շենքերի տանիքների հիմնանորոգման աշխատանքները:

Մասիս խոշորացված համայնքի Այնթափ, Նոր Կյուրին, Մարմարաշեն, Ջրահովիտ, Սիփանիկ, Սիս, Հովտաշատ, Ռանչպար բնակավայրերի գազաֆիկացման աշխատանքները 2023 թվականին կատարվել են 75 տոկոսով:

Ավարտվել է Գեղարքունիքի մարզի Սևան խոշորացված համայնքի Ծովագյուղ բնակավայրի 5.9 կմ երկարությամբ փողոցների հիմնանորոգումը: 

Մարտունի քաղաքի Վարդենիկ բնակավայրի ներհամայնքային 3-րդ, 4-րդ, 5-րդ, 6-րդ փողոցների ճանապարհային պատվածքի 4 կմ սալարկման աշխատանքները կատարված են 80 տոկոսով:

Նույն ծավալով կատարված են Մարտունի խոշորացված համայնքի Վերին Գետաշեն բնակավայրի ներհամայնքային փողոցների 1.5 կմ սալարկման աշխատանքները:

Մարտունի խոշորացված համայնքի Մարտունի բնակավայրի տարբեր փողոցներում 9.5 կմ ընդհանուր երկարությամբ լուսավորության համակարգի կառուցումն այս պահին իրականացվել է 95 տոկոսով:

Ավարտվել է Վարդենիս խոշորացված համայնքի Արեգունի, Խաչաղբյուր, Ծովակ, Սոթք, Գեղամասար և Փամբակ բնակավայրերում 21.3 կմ ընդհանուր երկարությամբ լուսավորության ցանցի կառուցումը:

2023 թվականին 80 տոկոսով կատարվել են Վարդենիս խոշորացված համայնքի Աղբրաձոր, Ակունք, Արփունք, Լուսակունք, Տրետուք բնակավայրերում շուրջ 6.3 կմ երկարության ոռոգման ջրագծերի կառուցման կամ վերակառուցման աշխատանքները:

90 տոկոսով ասֆալտապատված է Վարդենիս խոշորացված համայնքի Ակունք բնակավայրի 13-րդ փողոցի 1 կմ-ոց հատվածը:

Ընթացքում է Գավառ խոշորացված համայնքի Հայրավանք և Բերկունք բնակավայրերի համար նոր մանկապարտեզի շինարարությունը. 2023 թվականին իրականացվել է աշխատանքների 50 տոկոսը:

Ավարտված են Շիրակի մարզի Ախուրյան խոշորացված համայնքի Ազատան բնակավայրի ներհամայնքային 400 մետր երկարության ճանապարհների ասֆալտապատման աշխատանքները:

Ավարտվել է նաև Ախուրյան խոշորացված համայնքի Բայանդուր բնակավայրի մանկապարտեզի շենքի կառուցումը:

Ավարտին է հասցվել Ախուրյան խոշորացված համայնքի Երազգաորս բնակավայրի ոռոգման ցանցի 800 մետրանոց հատվածի հիմնանորոգումը:

2023 թվականին 80 տոկոսով իրականացվել են Սյունիքի մարզի Տաթև խոշորացված համանքի Հալիձոր բնակավայրում 7.5 կմ երկարության ոռոգման համակարգի կառուցման աշխատանքները:

Այս թեմայով Ոստիկանները սևազգեստ մայրերին թույլ չեն տալիս մոտենալ կառավարության մուտքին Կառավարության շենքից ՀՀ եռագույնն անհետացել է (տեսանյութ) Ուսանողներն անելիք ունեն․ Թևանյանը ներկայացրել է նրանցից ակնկալվող քայլերի հաջորդականությունը (տեսանյութ) Արթուր Խաչատրյանը հանցագործության մասին հաղորդում է ներկայացրել՝ ապրիլի 27-ի միջադեպի առնչությամբ Մեր լուծումը՝ ձևավորել պայքարի միասնական ճակատ և սկսել կառավարության անվստահության գործընթաց Միրզոյանը ներկայացրել է հարևանների հետ հարաբերությունների կարգավորման ուղղությամբ իրականացվող քայլեր Ոստիկանները բերման են ենթարկել կառավարության մոտ Արցախի դրոշով միայնակ ակցիա անող երիտասարդին (տեսանյութ) Միրզոյանը Կատարի վարչապետին ներկայացրել է ՀՀ-Ադրբեջան հարաբերությունների կարգավորման գործընթացը Մհեր Գրիգորյանը և ՎԶԵԲ-ի տարածաշրջանային տնօրենը քննարկել են Հայաստանում իրականացվող ծրագրերի ընթացքը ՀԻՄԱ․ Փաշինյանը վարում է Կառավարության նիստը