Շարժական բուժախտորոշիչ կլինիկայում քաղաքացիներն անվճար և անանուն հետազոտություններ են անցնում. ԱՆ

Ազատության հրապարակում տեղակայված շարժական բուժախտորոշիչ կլինիկայում քաղաքացիներն անցնում են ՄԻԱՎ-ի, հեպատիտ Բ-ի, հեպատիտ Ց-ի անվճար և անանուն հետազոտություններ:

Այս մասին հայտնում են ՀՀ առողջապահության նախարարությունից, նշելով, որ հետազոտությունների պատասխանները ստացվում են րոպեների ընթացքում:

Հետազոտությունները խրախուսելու նպատակով միջոցառմանը մասնակցել ու հետազոտվել են նաև առողջապահության նախարարի առաջին տեղակալ Լենա Նանուշյանը, Արտակ Ջումայանը և ԱՆ Ինֆեկցիոն հիվանդությունների ազգային կենտրոնի տնօրեն Ստեփան Աթոյանը:

«Շատերը չգիտեն իրենց ՄԻԱՎ կարգավիճակի մասին և շարունակում են վարակը փոխանցել իրենց հարազատներին: Սա լավ հնարավորություն է անցնելու անանուն, անվճար հետազոտություններ, ստանալ անվճար բուժում, ապրել լիարժեք կյանքով, ունենալ երեխաներ: Պոլիկլինիկաներում և ամբուլատորիաներում նույնպես ապահովել ենք անվճար և արագ թեստավորման հնարավորությունը»,- նշել է Լենա Նանուշյանը:

Նրա խոսքով` հեպատիտ Ց-ի բուժման պետական ծրագիրը նույնպես արդյունավետ է գործում: Այսօր մեր երկիրը հեպատիտ Ց-ով հիվանդ պացիենտներին դեղորայքը տրամադրում է անվճար` պետպատվերով: Փուլ առ փուլ հեպատիտների բուժման ամբողջ շղթան Հայաստանում դառնում է անվճար:

Հետազոտությունները կատարում են ԱՆ ԻՀԱԿ կենտրոնի մասնագետները: Հետազոտությունն ուղեկցվում է նախաթեստային և հետթեստային խորհրդատվությամբ:

Հանրային միջոցառումը կշարունակվի մինչև ժամը 19:00-ն:

Այս թեմայով Ժպտում ենք ու անցնում առաջ. Մամիկոն Ասլանյան Հայաստանը բարելավել է դիրքերը շարժական համացանցի արագության վարկանիշում Հաստատվել են նախնական և միջին մասնագիտական ուսհաստատությունների անվճար ուսուցման ընդունելության տեղերը Ռուսաստանը պետք է «խորը եզրակացություններ անի»` Հայաստանն անցնում է Արևմուտքի թևի տակ. Զատուլին ՀՀ մարզերում անվճար լողի պարապմունքներ կկազմակերպվեն. փորձնական ծրագիրը հաստատվել է Ջրային պարեկային ծառայությունն անցնում է ուժեղացված ծառայության Աորտայի շերտազատման թանկարժեք վիրահատությունը ՀՀ քաղաքացիների համար անվճար է․ Կառավարություն (տեսանյութ) Պիտի հանդիպեի Լալայի հետ և զարհուրելի լուրն առա, նրա կողքը նստողը չէր զգում`ժամանակը ոնց է անցնում․ Հարություն Մովսիսյան (տեսանյութ) Եթե մեր հայրենիքի ազատությանը հասնելու ճանապարհը անցնում է բանտերով՝ ես ևս մեկ անգամ պատրաստ եմ անցնել դրանով․ Վարդանյան Հայաստանն առաջ է անցնում հաշվի մեջ Ղազախստանի դեմ խաղում