Գեղարքունիքի մարզում լարված իրավիճակ է, գյուղացիները ոտքի են ելել

Գեղարքունիքի մարզի բնակիչները ոտքի են ելել՝ իշխանություններից դժգոհ են, չեն կարողանում վաճառել գյուղմթերքը, կարթոֆիլը, կաղամբը, իսկ կառավարությունը ձեռքերը լվացել է, գյուղմթերքը սպառելուն չի աջակցում։ Մարզի մի խումբ բնակիչներ այսօր մոտ 20 րոպե փակել են Մարտունի-Վարդենիս ավտոճանապարհը։ Մարտունու քաղաքապետ Հովհաննես Հովեյանն է մի կերպ խաղաղեցրել ցուցարարներին, 5 օր ժամանակ խնդրել՝ գյուղացիներին պատասխան տալու համար։  Այս մասին հայտնում է «Հրապարակը»։

Գեղարքունիքի մարզի Զոլաքար համայնքի բնակիչ, ԱԺ «Հայաստան» խմբակցության պատգամավոր Արման Ղազարյանը, որը լավատեղյակ է գյուղացիների այս խնդրից, ասում է՝ չարչարանքների արդյունքում գյուղացին կարողացել է արտադրել, սակայն չի կարողանում սպառել գյուղմթերքը, իսկ կառավարությունն էլ ոչ մի հարցով չի ուզում աջակցել, անգամ շուկա գտնելու տեսանկյունից է գյուղացուն թողել մենակ իր խնդիրներով։ 

«Այս հարցը ես բազմիցս բարձրաձայնել եմ խորհրդարանում։ Էկոնոմիկայի նախկին նախարար Վահան Քերոբյանն ասում էր՝ մենք ոչինչ չենք կարող անել։ Կառավարություն-ԱԺ նախորդ հարց ու պատասխանի ժամանակ էլ Նիկոլ Փաշինյանը հարցը լսելիս ասաց, որ խնդիրը ժամանակավրեպ է, ինչու՞ ես հիմա հարցը բարձրացնում, երբ խնդիրն առաջանում է ապրիլ-մայիս ամիսներին»,-ասաց պատգամավորը։

Ղազարյանի խոսքով՝  կառավարությունը պետք է փետրվարից արդեն գույքագրի այդ խնդիրները, քանի որ ապրանքը չի իրացվում։

Այս թեմայով Գերլարված իրավիճակ՝ Կենտրոնում․ ոստիկանները բիրտ ուժ են կիրառում ակցիայի մասնակիցների նկատմամբ (տեսանյութ) Լարված իրավիճակ՝ ոստիկանների ու ակցիայի մասնակիցների միջև․ կա բերման ենթարկված (տեսանյութ) «Ոտքի՛». Էրեբունի վարչական շրջանը վաղ առավոտյան միացել է Տավուշյան շարժմանը ՈՒՂԻՂ․ Ակցիաները շարունակվում են․ իրավիճակը լարված է Եվրամիութան դեսպանի հետ քննարկել ենք ՀՀ սահմանների և ներսում առկա իրավիճակ մասին․ Թովմասյան ՈՒՂԻՂ. Լարված իրավիճակ. Բագրատաշեն տանող ճանապարհը փակ է «Ոստիկանն ի՞նչ պտի անի, պտի խոշտանգի ժողովրդին», «Մի ոգևորվեք, հանգիստ». գերլարված իրավիճակ «Բռնություն մի գործադրեք», «Թուրք եք», «Նիկոլ, դավաճան». Տավուշում լարված վիճակ է ու քաշքշուկ «Ախպեր, իմ հող ու ջրի վրա քայլում եմ, չեք թողում», «Սա մեր հայրենիքն ա, չենք գնալու». լարված վիճակ (տեսանյութ) «Ձեռս թող արա», «Մի գոռա», «Հիմա ի՞նչ, եկել եք թուրքի ճանապարհն եք պահում». լարված իրավիճակ (տեսանյութ)