Իլ-դը-Ֆրանսի խորհրդի նախագահը վերահաստատել է իր հանձնառությունը՝ ի աջակցություն Հայաստանի և Արցախի

Մարտի 5-ին Ֆրանսիայում Հայաստանի դեսպան Հասմիկ Տոլմաջյանը հանդիպեց Իլ-դը-Ֆրանս ռեգիոնի խորհրդի նախագահ Վալերի Պեկրեսի հետ։ Հայտնում են դեսպանության մամուլի ծառայությունից։ 

Հանդիպման ընթացքում կողմերը քննարկեցին Հայաստանի և Իլ-դը-Ֆրանս ռեգիոնի միջև առկա համագործակցությանը, այն խորացնելու հեռանկարներին, ինչպես նաև Հայաստանի շուրջ ստեղծված աշխարհաքաղաքական իրավիճակին առնչվող հարցեր։ Դեսպան Տոլմաջյանը բարձր գնահատեց Հայաստանին և Լեռնային Ղարաբաղի ժողովրդին Իլ-դը-Ֆրանս ռեգիոնի և անձամբ նախագահ Պեկրեսի կողմից շարունակական աջակցությունը։ Իր հերթին, դատապարտելով Լեռնային Ղարաբաղի ժողովրդի դեմ Ադրբեջանի կողմից իրականացված էթնիկ զտումը և այդ երկրի ղեկավարության վարած ռազմատենչ քաղաքականությունը, նախագահը Պեկրեսը վերահաստատեց ի աջակցություն Հայաստանի և Լեռնային Ղարաբաղի ժողովրդի՝ իր ղեկավարած ռեգիոնի ստանձնած հանձնառությունը։

Հանդիպման ընթացքում կողմերը քննարկեցին նաև մշակութային ոլորտում համագործակցության ակտիվացմանն առնչվող հարցեր։ Հայաստանի դեսպանի առաջարկով որոշվեց դիտարկել Շառլ Ազնավուրի և Սերգեյ Փարաջանովի ծննդյան 100-ամյա հոբելյանների շրջանակներում համատեղ միջոցառումների անցկացման հնարավորությունը։

Այս թեմայով Չինաստանի նախագահը պաշտոնական այցով մեկնել է Ֆրանսիա, Սերբիա և Հունգարիա Եվրոպան պաշտպանում է իր շահերը․ Ֆրանսիայի ԱԺ-ում քննարկել են Հայաստանում ստեղծված իրավիճակը Պապիկյանը և Ֆրանսիա-ՀՀ բարեկամական խմբի ղեկավարը տարածաշրջանային անվտանգության հարցեր են քննարկել Մեկնարկել է Ֆրանսիա-Հայաստան բարեկամության խմբի նախագահի գլխավորած պատվիրակության այցը Հայաստան Ֆրանսիան հետ է կանչել Ադրբեջանում իր դեսպանին Ֆրանսիան դատապարտել է Իրանի հարձակումն Իսրայելի վրա Ֆրանսիայում քննարկել են Հարավային Կովկասի իրադարձությունները, ԼՂ հակամարտությունը Ֆրանսիան ակտիվորեն զինում է Ալիևին. թիկունքից հարված՝ արևմտյան «դաշնակցից» Ֆրանսիան մտահոգված է Երուսաղեմի հայկական թաղամասում տեղի ունեցած միջադեպերով «Ադրբեջանը փորձում է Հայաստանին մեղադրել էսկալացիայի մեջ»․ Ֆրանսիայի ԱԳՆ խոսնակ