Tesla-ն դուրս է մնացել ԱՄՆ 10 ամենաթանկ ընկերությունների ցանկից

13 ամսվա ընթացքում առաջին անգամ Tesla-ն դուրս է մնացել ԱՄՆ-ի տասն ամենաբարձր շուկայական կապիտալիզացիան ունեցող հանրային ընկերությունների ցանկից, հայտնում է MarketWatch-ը։

Ավտոմոբիլային կոնցեռնը նահանջել է 11-րդ տեղ, նրա տեղը զբաղեցրել է Visa վճարային համակարգը։ Չորեքշաբթի՝ մարտի 6-ին, բորսայում առևտրի ավարտի դրությամբ Tesla-ի շուկայական կապիտալիզացիան կազմել է 562,2 մլրդ դոլար, Visa-ինը՝ 563,4 մլրդ։

Առաջին հնգյակում են Microsoft-ը, Apple-ը, Nvidia-ն, Amazon-ը և Alphabet-ը։ Նրանց հաջորդում են Meta-ն, Berkshire Hathaway-ն, Eli Lilly-ն և Broadcom-ը:

Չորեքշաբթի օրը Tesla-ի բաժնետոմսերն էժանացել են 2,3%-ով։ Անկումը շարունակվել է երրորդ օրն անընդմեջ։ Այս ընթացքում բաժնետոմսերի գինը նվազել է 12,9%-ով, տարեսկզբից՝ 29%-ով։

Ընկերության շուկայական արժեքը 2024 թվականին նվազել է 228 միլիարդ դոլարով՝ ըստ Dow Jones Market Data-ի։ Այնուամենայնիվ, Visa-ի բաժնետոմսերն այս տարի աճել են մոտ 8%-ով և 12 ամսվա ընթացքում՝ 24%-ով:

Ինչպես նշում է MarketWatch-ը, Tesla-ի արժեթղթերի գինը նվազում է էլեկտրական մեքենաների պահանջարկի անկման ֆոնին: Morgan Stanley-ի վերլուծաբան Ադամ Ջոնասը նույնպես նշել է, որ չինական շուկան գերհագեցված է, և ցածր գներ են նկատվում։

Այս թեմայով Ամենայն Հայոց Կաթողիկոսը մեկնել է ԱՄՆ Հայոց Արևելյան թեմ ԱՄՆ-ում ՌԴ դեսպանը վերադարձել է Մոսկվա Կատաղությամբ վարակված չղջիկը կծել է երեխային ննջասենյակում Իսրայելական հարվածների հետևանքով ԻՀՊԿ գեներալ Էսմայիլ Քաանին անհետացել է․ NYT Ռուսաստանի և Իրանի առանցքի շուրջ կառուցված ապագան անցանկալի է Հայաստանի և Ադրբեջանի կառավարությունների համար․ Օ՛Բրայեն