Թավշյա հեղափոխության իրական շահառուները. Վահե Հակոբյան

Շարունակելով ներկայացնել այն պաշտոնյաներին, ում կյանքը բարելավվել է 2018-ի Թավշյա հեղափոխության արդյունքում, այսօր կանդրադառնանք Ավան վարչական շրջանի ղեկավար Վահե Հակոբյանին:

2018-ին Հատուկ քննչական ծառայության գլխավոր քարտուղարի տեղակալի պաշտոնը զբաղեցրած Վահե Հակոբյանը հայտարարագրել էր 966,032.00 դրամի համարժեք տարեկան եկամուտ: 2019-ին նրա հայտարարագրում ավելացել է NISSAN VERSA մակնիշի ավտոմեքենան, հանձնված և վերադարձված փոխառությունները կազմել են 2,622,675.00 և 462,365.00 դրամ, իսկ տարեկան եկամուտները արդեն 5,349,238.00 դրամ:

2020-ին Հակոբյանի հանձնված և վերադարձված փոխառությունները կազմել են 1,512,714.00, 1,827,200.0, 1,345,012.00, 262,354.00,247,450.00 հազար դրամ: Հաշվետու տարվա եկամուտը կազմել է 5,902,143.00 դրամ:

2022-ին կանխիկ դրամը կազմել է 10,500,000.00 դրամ և 11,000.00 ԱՄՆ դոլար։

Ընդ որում, հեղափոխությունից հետո բարելավվել է ոչ միայն անձամբ Վահե Հակոբյանի, այլ նաև նրա ընտանիքի անդամների սոցիալական վիճակը: Դիցուք՝ թաղապետի հայրը՝ Մանվել Հակոբյանը, թաունհաուսների բիզնես է սկսել։ Մանվել Հակոբյանը նախկինում բիզնես գործունեություն չի ծավալել։ Քաղաքային առանձնատների (թաունհաուսների) կառուցմամբ և վաճառքով սկսել է զբաղվել այն բանից հետո, երբ ավագ որդին՝ Երջանիկ Հակոբյանը, դարձավ «Քաղաքացիական պայմանագիր» կուսակցության անդամ և պետական բարձր պաշտոններ սկսեց զբաղեցնել։

Ինչ վերաբերվում է Վահե Հակոբյանի եղբորը՝ Երջանիկ Հակոբյանին, ապա վերջինս 2022 թ.-ի հայտարարագրում նշել է, որ իր դրամական միջոցները կազմել են 15 հազար դոլար եւ 10 միլիոն դրամ, իսկ եկամուտը՝ 12 միլիոն դրամ (ՊԵԿ-ի աշխատավարձը)։ Պատգամավոր եղած ժամանակ՝ 2019 թվականին, Հակոբյանը զբաղվում էր մեքենաների առքուվաճառքով։ Հակոբյանը գնել է տարբեր տարիների արտադրության 3 հատ ավտոմեքենա, տարվա վերջում դրանցից երկուսը վաճառել է։