Թրամփը նախագահի պաշտոնում ընտրվելու դեպքում՝ մտադիր չէ ֆինանսավորել Ուկրաինային. Օրբան

ԱՄՆ նախկին նախագահ Դոնալդ Թրամփը, ով առաջադրվելու է՝ որպես ԱՄՆ նախագահի թեկնածու Հանրապետական ​​կուսակցությունից, եթե վերադառնա Սպիտակ տուն, չի ֆինանսավորի ռազմական գործողությունները Ուկրաինայում և միջոցներ չի հատկացնի Եվրոպայի անվտանգության համար։ Այս մասին M1 հեռուստաալիքին հայտնել է Հունգարիայի վարչապետ Վիկտոր Օրբանը, ով մարտի 8-ին հանդիպել է ԱՄՆ նախկին առաջնորդի հետ Ֆլորիդայում գտնվող նրա կալվածքում։

«Եթե Դոնալդ Թրամփը նորից նախագահ դառնա, նա չի ցանկանա ֆինանսավորել եվրոպացիների անվտանգությունը և չի աջակցի, որ ԱՄՆ-ն գումար հատկացնի Ուկրաինային պատերազմ վարելու համար»,- նշել է Հունգարիայի կառավարության ղեկավարը։

Նրա կարծիքով, եթե ամերիկյան ֆինանսավորումը դադարեցվի, եվրոպացիները չեն կարողանա աջակցել ուկրաինական բանակին, և «այն ժամանակ այս պատերազմը կավարտվի»։ «Դոնալդ Թրամփը դեռ Միացյալ Նահանգների նախագահը չէ, բայց նրա կուսակցությունը ԱՄՆ օրենսդիր մարմնում խանգարում է դեմոկրատներին փող ներդնել Ուկրաինայում պատերազմի մեջ», - ասել է Օրբանը՝ հաստատելով, որ ցանկանում է, որ հանրապետական ​​հավանական թեկնածուն հաղթի նոյեմբերի ընտրություններում։

Բացի այդ, Թրամփը «չի ցանկանում ֆինանսավորել Եվրոպայի անվտանգությունը հենց եվրոպացիների փոխարեն»։ «Եթե եվրոպացիները վախենում են, ապա պետք է վճարեն իրենց անվտանգության համար կամ ուժեղացնեն իրենց զինված ուժերը»,- ընդգծել է վարչապետը։

«Եկել է վերազինվելու ժամանակը, դուք պետք է ունենաք ձեր սեփական բանակը, ձեր սեփական պաշտպանունակությունը, մենք պետք է կարողանանք պաշտպանել մեր երկիրը»,- եզրափակել է Օրբանը։ Նրա կարծիքով՝ ուկրաինական հակամարտությունը ստիպում է նման եզրակացություններ անել։

Այժմ գործնականում կասկած չկա, որ Հանրապետական ​​կուսակցությունը կառաջադրի Թրամփին՝ որպես նախագահի թեկնածու։

ԱՄՆ նախագահական ընտրությունները տեղի կունենան նոյեմբերի 5-ին։

Այս թեմայով «Տավուշյան շարժումը» կարիք ունի քաղաքական ձևակերպումների և այդ դեպքում այն կբերի հաջողության. Հովհաննիսյան «Ժողովուրդ». Ծիծեռնակաբերդ այցը պաշտոնական այցերի պրոտոկոլային մաս չէ․ ԱԳՆ-ն՝ Ղազախստանի նախագահի այցի մասին Բնակիչները միառժամանակ փակել են միջպետական 3 ճանապարհ` Օձուն-Ալավերդի և Բավրայի սահմանային անցակետի հատվածում. ապակենտրոն ակցիային մտադիր են միանալ վանաձորցիներն ու գյումրեցիները Նունե Պետրոսյանը վերանշանակվել է Քաղաքաշինության կոմիտեի նախագահի տեղակալի պաշտոնում Մեկնարկել է Ֆրանսիա-Հայաստան բարեկամության խմբի նախագահի գլխավորած պատվիրակության այցը Հայաստան ԱՄՆ Կոնգրեսի Ներկայացուցիչների պալատը հավանություն է տվել Ուկրաինային ռազմական և ֆինանսական օգնության ծախսերի վերաբերյալ Ղարիբաշվիլին հայտնել է՝ որ դեպքում կվերանայվի օտարերկրյա գործակալների մասին աղմկահարույց օրենքը Բանակցողը պետք է փոխվի, հակառակ դեպքում սա պատերազմ է ժողովրդի դեմ, Ալիևն իր մարդուն է նշանակել ԱՄՆ Ուկրաինային 61 մլրդ դոլարի ռազմական օգնություն կտրամադրի Մայիսի 1-ից Էլեկտրոնային ծանուցումը նախընտրելու դեպքում 20 տոկոս նվազ վճարելու մեխանիզմ կգործի