Երեւանում գործող շրջիկ առեւտրի իրավակարգավորումները կկիրառվեն նաեւ մյուս համայնքներում

Նախագծերի փաթեթի հիմնական նպատակն է շրջիկ առեւտրի պահանջարկի բարելավումը, շրջիկ առեւտրի կետերի շրջանառության բարձրացումը, համապատասխանաբար նաեւ համայնքներում տեղական տուրքերի մուտքերի ավելացումը, ինչպես նաեւ զբոսաշրջության զարգացմանը նպաստելը: Այս մասին ասել է ՀՀ տարածքային կառավարման եւ ենթակառուցվածքների նախարարի տեղակալ Վաչե Տերտերյանը:

««Առեւտրի եւ ծառայությունների մասին» օրենքում փոփոխություններ կատարելու մասին» եւ կից ներկայացված օրենքների նախագծերի փաթեթը քննարկվել է ՀՀ ԱԺ տարածքային կառավարման, տեղական ինքնակառավարման, գյուղատնտեսության եւ շրջակա միջավայրի պահպանության հարցերի մշտական հանձնաժողովի՝ մարտի 13-ի նիստում:

Վաչե Տերտերյանի խոսքով դեռեւս մեկուկես տարի առաջ ընդունվել է Երեւան քաղաքում շրջիկ առեւտրի կանոնակարգմանը վերաբերող օրենսդրական փաթեթը: «Եվ որոշում է կայացվել Երեւանում կիրարկելուց հետո՝ աշխատունակ լինելու դեպքում, այն տարածել նաեւ մյուս համայնքների վրա»,- մանրամասնել է ՀՀ տարածքային կառավարման եւ ենթակառուցվածքների նախարարի տեղակալը:

Քննարկված օրենքների նախագծերի փաթեթով նախատեսվում է Երեւանում գործող շրջիկ առեւտրին վերաբերող իրավակարգավորումները կիրառելի դարձնել նաեւ մյուս համայնքներում:

Վաչե Տերտերյանը, պատասխանելով պատգամավորների հարցերին, ներկայացրել է պարզաբանումներ շրջիկ առեւտրով զբաղվող անձանցից առգրավված ապրանքների ճակատագրի, փողոցային առեւտրի վերաբերյալ: Ըստ հիմնական զեկուցողի՝ օրենքի ճիշտ կիրարկման եւ պատշաճ վարչարարության պարագայում փողոցային առեւտրի ծավալներն էապես կնվազեն: Նրա դիտարկմամբ նկատվում է փողոցային առեւտրի ծավալների նվազման միտում:

Օրենքների նախագծերի փաթեթը ստացել է դրական եզրակացություն:

Հանձնաժողովը կիրականացնի արտագնա նիստեր:

Այս թեմայով Երեւանում ընթանում է «Ընդհանուր հաղթանակ, ընդհանուր ճակատագիր» խորագրով համաժողովը Երեւանում քաղաքացիները վաղ առավոտյան փակել են Ազատության պողոտան՝ ի աջակցություն տավուշցիների Կվերանայվի բուհերի ընդունելության գործող կարգը, կներդրվեն ընդունելության նոր մեխանիզմներ Արցախից հետո այսօր Տավուշն է, ՀՀ գործող վարչակարգի ապագան հայրենի տարածքների կորուստներն են Բռնցքամարտի ԵԱ․ Արթուր Սահակյանը հաղթել է Եվրոպայի գործող չեմպիոնին ԵՄ դիտորդները ՀՀ-ում հետախուզությամբ են զբաղված, ինչով էլ առաջացնում են մյուս երկրների դժգոհությունը Մի քանի զինատեսակի ներքին փորձարկումներ են իրականացվել, որոնք կկիրառվեն ՀՀ ԶՈւ-ում ՏԻՄ-երին և այգեգործներին հորդորում են թունաքիմիկատներ օգտագործելիս տեղեկացնել համայնքում գործող մեղվաբույծներին «Ժողովուրդ». Մի դեպքում դատավորները դասի են, մյուս դեպքում բենզին չկա․ իրավիճակը դատարաններում «Հրապարակ». Բուրգը պահողը մի կողմից Փաշինյանից վախն է, մյուս կողմից` կերակրատաշտից զրկվելու վտանգը