Ինչպես «հեղափոխականները» խաբեցին երևանցիներին

2018-ին՝ Թավշյա հեղափոխության օրերին և դրա հաղթանակից ամիսներ անց էլ Նիկոլ Փաշինյանը և նրա թիմակիցները տարաբնույթ խոստումներ էին տալիս հանրության տարբեր շերտերին: Թերևս ամենաշատը հեղափոխական թիմի անդամները փորձում էին շահել քաղաքամայր Երևանի բնակիչների սիրտը: Անհնար է նույնիսկ թվարկել այն բոլոր գեղեցիկ հավաստիացումները, որոնք այդ օրերին լսեցին երևանցիները, սակայն կարող ենք փաստել, որ հեղափոխությունից հետո Նիկոլ Փաշինյանը և նրա թիմակիցներն սկսեցին իրագործել տված խոստումների տրամագծորեն հակառակը:

Ահա թե ինչպիսի կարծիք ուներ Նիկոլ Փաշինյանը մինչ հեղափոխությունը երևանյան շենքերի վերելակների մասին։

Հեղափոխությունից անմիջապես հետո հայտարարվեց, որ երևանցիների համար վերելակների սպասարկման վճարը՝ ամսական 1600 դրամը, կավելանա 20-30 տոկոսով, որպեսզի քաղաքապետարանը նոր վերելակների ֆոնդի գումարի մի մասն ի վերջո հավաքագրի:  Սակայն ուշագրավն այստեղ այն է, որ Երևան քաղաքի բյուջեն հաստատելիս ՔՊ-ականները կրճատել էին վերելակների վերանորոգմանն ուղղված ֆինանսավորումը: Հարց է առաջանում՝ եթե քաղաքային իշխանությունները տեղյակ էին, որ գումարները չեն հերիքելու՝ ինչո՞ւ էին կրճատում և ո՞ւր են ուղղվել խնայված գումարները:

2018 թվականից ի վեր Երևանի ՔՊ-ական քաղաքապետերը հանրությանը հրամցնում են աղբի վերամշակման գործարան ունենալու իրենց կայսերական նախագիծը: Նախագիծը, սակայն, այդպես էլ գրվեց սառույցին, իսկ երևանցիներն այսօր ստիպված են հաշտվել քաղաքում տարածվող աղբի անուշաբույրության հետ:

2018-ին ՔՊ-ն գնաց Երևանի քաղաքապետի ընտրություններին` խոստանալով կարճ ժամանակում կառուցել մետրոյի նոր կայարան: 2019-ի սկզբին նրանք թմբկահարում էին՝ նախատեսվում է մետրոյի երկու կայարան կառուցել, սկզբում կլինի առաջինը, հետո՝ երկրորդը։ 2021-ի խորհրդարանական ընտրությունների ժամանակ Նիկոլ Փաշինյանն էր երևանցիներին խոստանում մինչև 2023 թվականը մետրոյի նոր կայարան նրանց պարգևել, այնուհետև նույն Փաշինյանը հայտարարում էր, որ 2024-ին նոր սկսելու են կառուցման աշխատանքները: Նկատենք, որ դեռ պարզ չէ, թե երբ ի վերջո երևանցիներն իրենց աչքով կտեսնեն մետրոյի այդ նոր կայարանը:

Հեղափոխությունից շուրջ վեց տարի անց Երեւանի ավագանին կառուցապատողների համար նոր ֆինանսական ծախսեր է սահմանել, որոնք կհանգեցնեն բնակարանների գների էական բարձրացումների։ Շրջիկ առևտրով զբաղվող և օրվա հացն այդպես վաստակող քադաքացիներին այլընտրանք չառաջարկած քաղաքապետը որոշել է էլ ավելի կոշտ միջոցներ և չբավարարվել այդ առևտուրն արգելելով: Առաջարկվում է առգրավել այդ ապրանքը՝ էլ ավելի մեծ հարված հասցնելով օրվա հացը մի կերպ վաստակող քաղաքացիների գրպանին:

Երևանի ավագանին ընդունել է «Երևան համայնքում տեղական վճարների 2024 թվականի դրույքաչափերը սահմանելու մասին» Երևան քաղաքի ավագանու որոշման նախագիծը, որով նախատեսվում էր 2024 թվականի հունվարի 1-ից մայրաքաղաքի կենտրոնում (Երևան քաղաքի «Ա» գոտում) ավտոկայանատեղիում (կարմիր գծեր) կայանելու համար վճարը սահմանել տարեկան 160000 դրամ, իսկ կենտրոնից դուրս՝ (Երևան քաղաքի «Բ» գոտի) 24000 դրամ։ Փաստացի կարմիր գծերի վճարը երևանցիների վրա 13 անգամ ավելի թանկ է նստելու: Մինչդեռ հեղափոխությունից անմիջապես հետո Փաշինյանը հայտարարում էր, որ քաղաքացին տուգանքի մատերիալ չէ:

Օրեր առաջ էլ Երևանի ավագանին 32 կողմ, 2 դեմ, 0 ձայներով ընդունեց հանրային տրանսպորտի նոր ուղեվարձը սահմանելու նախագիծը։ Ամսական փաթեթի համար սահմանվել է 9000 դրամ։ Եռամսյակային փաթեթի համար սահմանվել է 24 հազար դրամ։ Տարեկան փաթեթի համար սահմանվել է 90 հազար դրամ: Մինչդեռ մինչ հեղափոխությունը Փաշինյանն անձամբ էր մասնակցում տրանսպորտի ուղևարձի թանկացման դեմ ակցիաներին։

Այս թեմայով Փաշինյանը մերժել է Ֆրանսիայի նախագահի խնդրանքը․ 168.am Փաշինյանի գլխավորությամբ կառավարությունում տեղի է ունեցել խորհրդակցություն «Եթե մնա Նիկոլը». քաղաքացիների իրազեկման ակցիան ամբողջ Հայաստանով մեկ Փաշինյանը կուսակիցների հետ քննարկել է կրթության ոլորտի բարեփոխումները՝ «Հայրենիքը պետությունն է» հայեցակարգի դիտանկյունից Պետությունը շոու բիզնեսի ներկայացուցիչներից պահանջում է եկամտային հարկ և այս քաղաքականությունը պետք է ընդլայնել․ Փաշինյան Լևոն Շանթի անվան թիվ 4 դպրոցի աշակերտները վանկարկում են «Նիկոլ դավաճան» Աստվածաշունչն ասում է՝ «ամեն իշխանությունն Աստծուց է»․ Փաշինյան (տեսանյութ) Զինվորն ի՞նչ գործ ունի սահմանին կանգնած․ Փաշինյան (տեսանյութ) Լեգիտիմությունն ավելի լավ երաշխավոր է, քան լավ երաշխավորը. Նիկոլ Փաշինյան (տեսանյութ) Ի՞նչ գործընթաց է սպասվում մոտակա օրերին Կիրանցում. Փաշինյանը մանրամասներ է ներկայացրել (տեսանյութ)