Արտադրանքի և ծառայությունների որակի ապահովման բնագավառում ամենամյա մրցանակներ կշնորհվեն

Կառավարության որոշմամբ սահմանվեց արտադրանքի և ծառայությունների որակի ապահովման բնագավառում ամենամյա մրցանակներ սահմանելու և շնորհելու մրցանակաբաշխության կարգը։

Համապատասխան նախագիծը ներկայացրեց Էկոնոմիկայի նախարար Գևորգ Պապոյանը։

«Որոշման նախագծով սահմանվում է արտադրանքի և ծառայությունների որակի ապահովման բնագավառում ամենամյա մրցանակներ սահմանելու և շնորհելու մրցանակաբաշխության կարգը։

Մրցանակաբաշխությունը իրականացվում է մինչև 200 և 200-ից ավել աշխատակից ունեցող կազմակերպությունների համար, որի նպատակով ստանդարտացման և չափագիտության ազգային մարմնի կողմից ստեղծվում է փորձագետների աշխատանքային խումբ»,- մանրամասնեց Պապոյանը։

Աշխատանքային խմբի կողմից առաջին փուլով իրականացվում է մասնակից կազմակերպությունների ներկայացրած հայտի և կից փաստաթղթերի փորձաքննություն և երկրորդ փուլով՝ կազմակերպության գործունեության իրականացման վայրի ստանդարտների համապատասխանության գնահատում։

Մրցույթի առաջին փուլում կատարված աշխատանքների վճարը կախված է կազմակերպությունում աշխատողների թվից և չպետք է գերազանցի հետևյալ չափանիշները`

1)մինչև 200 աշխատողի դեպքում` 100 հազար դրամ` գումարած ավելացված արժեքի հարկը,

2) 200-ից ավելի աշխատողի դեպքում` 150 հազար դրամ` գումարած ավելացված արժեքի հարկը։

Մրցույթում հաղթող մրցանակակիր կազմակերպությունների ընդհանուր թիվը չպետք է գերազանցի 12-ը: Յուրաքանչյուր անվանակարգում, ըստ աշխատողների թվի, կարող են լինել առավելագույն գնահատական ստացած երկու մրցանակակիր։

Այս թեմայով Շուտով նիկոլիստները կարող են հայտարարել, որ 96-ամյա Լենա տատիկը ՌԴ հատուկ ծառայությունների գործակալ է. Շարմազանով Հաստատվել են բնակարաններով ապահովման ծրագրի հավակնորդների ցանկը և բնակարանների ընտրության վերջնաժամկետը Փոխվարչապետը նոր մանրամասներ ներկայացրեց ԼՂ-ից բռնի տեղահանվածների բնակարանային ապահովման ծրագրից «Զինվորի սնունդը ահավոր որակի է, վատ հոտ է գալիս». Վարդան Ղուկասյանը հրավիրել էր պահածոների դեգուստացիայի (տեսանյութ, լուսանկարներ) Ոլորտի տնտեսվարողների հետ քննարկվել է մեկանգամյա օգտագործման պլաստիկ արտադրանքի գործածության արգելքի նախագիծը «Ճանապարհային դեպարտամենտ» հիմնադրամի կողմից հայտարարվել է խորհրդատվական ծառայությունների ձեռքբերման մրցութային ընթացակարգ Քաղաքաշինության բնագավառում կներդրվի վերաորակավորման համակարգ, կստեղծվի որակավորված մասնագետների վարկանիշավորման ցանկ Կմշակվեն ազգային ստանդարտներ, կստեղծվեն բարենպաստ պայմաններ որակի և մրցունակության բարձրացման համար Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է Արարատի կոնյակի գործարանում վերահսկողություն կիրականացվի