Արևմուտքի «ազդեցության գործակալները» Հայաստանում. Արթուր Սաքունց

Վերլուծական 26 Մարտ, 2024 22:30

Այն, որ Արևմուտքը գործուն աջակցություն է ցուցաբերում Հայաստանի քաղաքացիական հասարակությանը, որևէ մեկի համար այլևս գաղտնիք չէ։ Այս մասին սկսած հեղափոխական շրջանից պարբերաբար հրապարակումներ են լինում, մամուլն է անդրադառնում, անգամ վերջերս ռուսական ֆեդերալ հեռուստաընկերություններն են ռեպորտաժներ և թոք–շոուներ անում՝ բարձրաձայնելով խնդիրը։ Հատկապես հեղափոխությունից հետո Հայաստանում ակտիվացան Արևմուտքի ազդեցության գործակալները, որոնք առաջ են մղում վերջինիս անհրաժեշտ օրակարգերը: Նրանց թվում է Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը:

Եվ այսպես՝ 2019 թվականին Բաց Հասարակության հիմնադրամներ Հայաստանի կողմից, որը ավելի հայտնի է որպես Սորոսի հիմնադրամ, Սաքունցի գրասենյակին տրվել է 130 000 դոլարի չափով դրամաշնորհ: Ծրագրի նպատակն է նպաստել խոցելի խմբերին մարդու իրավունքների արդյունավետ պաշտպանությանը` բարելավելով քաղաքացիական վերահսկողության մեխանիզմները` կանխելու ապագա խախտումները և չարաշահումները եւ հասարակության իրազեկվածությունը մարդու իրավունքների արժեքների և խաղաղության հիմնախնդիրների վերաբերյալ: Խաղաղության հիմնախնդիրները, բնականաբար, չեն շրջանցում հայերի ու ադրբեջանցիների՝ խաղաղ գոյակցության, հարևանություն անելու թեմաները

2020 թվականին կոմիտեն ստացել է արդեն 5340 ԱՄՆ դոլար: Ծրագրի նպատակն էր՝ ապահովել ՀՀ-ԵՄ Համապարփակ և ընդլայնված գործընկերության համաձայնագրի հաշվետու կատարումը:

2021 թվականին կոմիտեն Սորոսի հիմնադրամից ստացել է 133.948 ԱՄՆ դոլար: Ծրագրի նպատակն է խրախուսել Հայաստանում արդարադատության ոլորտի ինստիտուցիոնալ բարեփոխումներում թափանցիկության և անկախության սկզբունքների պահպանումը:

2021-ին դրամաշնորհների ցանկն այսքանով չի սահմանափակվել: Ամբողջական պատկերը կարող եք տեսնել այստեղ:

2022-ին գրասենյակը Սորոսի հիմնադրամից ստացել է 144.731 հազար ԱՄՆ դոլար: Ծրագրի նպատակն էր՝ նպաստել արդարադատության ոլորտում թափանցիկ և հաշվետու բարեփոխումներին:

Հրապարակային ելույթներում Սաքունցը աչքի է ընկնում հակառուսական մեսիջներով: Նրա առավել ուշագրավ հարցազրույցներից կարող ենք առանձնացնել 2023 թվականի հոկտեմբերի 23-ին Civic.am-ին տված հարցազրույցը, որի ընթացքում հնչել է հետևյալ միտքը՝ ՀՀ-ի դեմ Կրեմլը հիբրիդային պատերազմ է վարում, ինչը իրականացնում են ապատեղեկատվությամբ՝ ներգրավելով տարատեսակ փորձագետների, այդ թվում՝ նաև հայաստանյան գործիչների, որոնք փաստորեն դառնում են ՀՀ-ի դեմ Կրեմլի հիբրիդային պատերազմի գործիքը։

Բացի այդ, Սաքունցը գտնում է, որ Ղազախստանում հայտնի իրադարձությունների ժամանակ, երբ ՀԱՊԿ-ն միջամտեց, իսկ Փաշինյանն էլ զարմանալի օպերատիվությամբ աչքի ընկավ, ՀՀ վարչապետը պետք է սահմանափակվեր ընդամենը մտահոգություններ հայտնելով: Ահա թե ինչ է նա ասել այս առիթով․ «ՀԱՊԿ-ը հենց բռնապետական պետությունների ակումբ է և դա նոր չենք ասել: Եվ հիմա արձանագրվեց, որ ՀԱՊԿ-ը ոչ թե արտաքին վտանգների կանխման ինստիտուտ է, որը մենք Հայաստանի պարագայում տեսանք այս պահին 41, թե 45 քառակուսի կմ, ըստ էության, Ադրբեջանի կողմից, հարևան պետության կողմից փաստացի օկուպացված է և ՀԱՊԿ-ը ընդամենը մտահոգություն է հայտնում, Փաշինյանը պետք է ընդամենը մտահոգություն հայտներ իրադարձությունների առումով և օր առաջ չշտապեր. ինքը ավելի շատ փորձեց կաթոլիկ երևալ, քան Կրեմլը և, ըստ էության, կատարեց Կրեմլի պահանջը»:

Ավելին՝ Սաքունցը վստահ է, որ ադրբեջանական ագրեսիան Հայաստանի դեմ Տեղ գյուղի ուղղությամբ ակնհայտորեն ռուս-ադրբեջանական համաձայնությամբ գործողություն էր, որի նպատակն է Հայաստանին պարտադրելու ՀԱՊԿ-ի դիտորդական առաքելությունը:

Շարունակելի...