Մենք չենք պատրաստվում որևէ բան զիջել, որը մերն է. Ալեն Սիմոնյան
ПолитическиеԵկեք հանձնել կամ տալ բառը հանենք, ոչ մեկ չի հանձնում, մենք դեմարկացիա ենք անում։ Այդ մասին Հանրային Հ/Ը–ի «Հարցազրույցում» հայտնել է ԱԺ նախագահ Ալեն Սիմոնյանը:
Ալեն Սիմոնյանը նանեւ իր հետ բերել էր քարտեզ, որոմ երեւում էր, թե Տավուշի մարզի սահմանամերձ շրջաններում որտեղ է ՀՀ- Ադրբեջան սահմանագիծը անցնում՝ ըստ Ալմաթիի հռչակագրի:
«Էն գյուղերը, որոնք նշում է Ադրբեջանը, դրանք են՝ Բաղանիս Այրում, Աշաղի-Ասկիպարա, Խերեմլի և Կիզիլ Հաջիլի, ընդ որում, այս վերջինը հիմա իրենց մոտ է: Ամբողջ տրամաբանությունն այն է, որ ասում են՝ Ոսկեպարը հանձնում են, ինչ Ոսկեպարի մասին է խոսքը, էդ անգրագետ պնդումները, որոնք կան կամ անգրագիտությունից են արվում, կամ սադրելու համար են արվում, Հայաստանում ներքաղաքական պրոցես սկսելու համար: Էս խոսակցությունը նրա մասին է, որ մենք պատարստ ենք էս կտորում անել դեմարկացիա՝ ինչը մերն է, մնալու է մերը, ինչը իրենց է, թող մնա իրենց»,-ասաց նա:
Ինչ վերաբերում է ենթակառուցվածքներին, որոնք Տավուշի 4 գյուղերն Ադրբեջանին հանձնելու դեպքում կհայտնվեն թշնամու վերահսկողության տակ, ապա, Ալեն Սիմոնյանի խոսքով, գազատար այդ հատվածում չկա։
«Նկատի ունեմ սահմանի դեղին գիծը (իր ցուցադրած քարտեզի-խմբ․)։ Կա ճանապարհի մի կտոր, որը, երբ խոսակցությունը գա, հասնի այն բանին, որ հասկանանք՝ ճանապարհի այդ կտորն ինչ ենք անելու, մեր դիրքորոշումն այն է, որ մենք մեր ճանապարհը կարող ենք մի քանի կիլոմետր այս կողմով սարքել։ Կնայենք՝ որն է մեր համար ամենահարմար բանը, կանենք»,- ասաց Սիմոնյանը։
Հարցին թե, Հայաստանը սա անում է սպառնալիքի տակ, Ալեն Սիմոնյանն ասաց, որ դա սպառնալիքի տակ չի արվում, դա արվում է, որովհետեւ պետք է Հայաստանին:
«Երբ որ մենք ասում ենք ՀՀ-ն կադաստրի վկայական ունենա, դա վերացական բան չի կարող լինել »,- նշում է նա:
Հարցին, որ եթե այս տարածքները հանձնվեն, Ադրբեջանը կճանաչի որ դա սահմանն է, ԱԺ նախագահը ասաց. «Բա ինչ պիտի անի, իհարկե, երբ որ ինքը ճանաչում է մեր սահմանը, ինքը դրանով ճանաչում է իր սահմանը, այստեղ Ադրբեջանի սահմանը կապված է նաև մեր ճանաչելով: Մենք չենք պատրաստվում որևիցե բան զիջենք այն պայմանով, որ պատերազմ չլինի, որը մերն է, չի լինելու տենց բան, ամբողջ իշխանության անունից եմ հայտարարում, անհնար է: Երբ որ մենք պատերազմում ենք մեր տարածքում, ամբողջ աշխարհը պատարստ է պաշտպանելու մեզ»:
Самое популярное 
Шакира показала подросших сыновей от Пике
