Ավտովթար՝ Երևան-Եղվարդ ավտոճանապարհին․ կան տուժածներ Վրաստանի նախագահն իշխող կուսակցությանն անվանել է «ռուսական երազանք» Վթարի հետևանքով տուժած զինծառայողների հարազատները հավաքվել են «Մուրացան» հոսպիտալի մոտ (տեսանյութ) «Ուրալի» վթարի հետևանքով զոհված 20–ամյա Դավիթը մեկ տարի առաջ էր զորակոչվել. News.am Հարցաքննված վկաները ցուցմունք են տվել Ջալալ Հարությունյանի դեմ. «Փաստինֆո» Կրակոցներ՝ Արարատի մարզում․ կա վիրավոր Հնդկաստանի Նոիդա քաղաքում կցուցադրվի Սերգեյ Փարաջանովի «Նռան գույնը» ֆիլմը «Ուրալի» վթարի հետևանքով զոհված Արեգ Քերոբյանը մեկ տարի առաջ էր մեկնել ծառայության․ News.am Բայդենը կոչ է արել Իրանին չհարձակվել Իսրայելի վրա Վթարի հետևանքով մահացած բոլոր չորս զինծառայողները ժամկետայիններ էին․ News.am 

«Արսենից հետո երկու թևերս կարծես կտրված լինեն, ապրելու ուժ որդիս է տալիս». Արսեն Շահսուվարյանն անմահացել է հոկտեմբերի 14-ին «Թութակներ» կոչվող տեղամասի դիրքում. «Փաստ»

Հայկական Մամուլ

«Փաստ» օրաթերթը գրում է.

«Ինձ ամեն օր մեկ հատ վարդ էր նվիրում, մի օր էլ անակնկալ ձևով ամուսնության առաջարկություն արեց: Բառացի ասաց՝ սիրտս քեզ եմ տալիս, ուզում ես՝ շպրտիր, ուզում ես՝ ընդունիր: Ու այդպես էլ 2003 թ.-ի մարտի ութին ամուսնացանք»,-«Փաստի» հետ զրույցում ասում է Էլմիրան՝ Արսենի կինը:

Երբ խնդրում եմ նկարագրել ամուսնուն, մտովի տեղափոխվում է նրա հոգեհանգստի օրը: «Ցանկացած մեկի շուրթերին ափսոսանքի խոսքեր էին: Բազմաթիվ մարդիկ էին եկել իրեն հրաժեշտ տալու: Արսենն ազնիվ, հայրենասեր, խելացի տեսակ էր, լավ հայր ու ամուսին էր: Եթե կարող էր մարդուն լավություն անել, կաներ, որևէ մեկին որևէ վատ բառ անգամ չի ասել»: Արսենը ծնվել է Դիլիջանում, սովորել Դիլիջանի թիվ 4 միջնակարգ դպրոցում: Այսօր դպրոցի փառքի անկյունն Արսենի մասին է պատմում, որ սերունդները նրա օրինակով իմանան, թե ինչ է անձնազոհությունը կարևորագույն արժեքի՝ հայրենիքի համար: Դիլիջանից ծնողների հետ տեղափոխվել է Հրազդան, իսկ հետո՝ մայրաքաղաք Երևան, սովորել ու ավարտել է Երևանի պետական համալսարանի ռադիոֆիզիկայի ֆակուլտետը: Աշխատում էր հայաստանյան բանկերից մեկում՝ որպես ավագ գանձապահ: Էլմիրան նշում է՝ ամուսինն անընդհատ սովորելու պրոցեսի մեջ էր, վերապատրաստում էր անցնում, մաթեմատիկային հրաշալիորեն տիրապետում էր, ինչպես հիմա՝ նրանց որդին:

«Բանկում աշխատելու ժամանակ ծրագիր էր գրել, իրենք այդ ծրագրով էին աշխատում, վերադառնալուց հետո պետք է որոշակի թարմացումներ կատարեր, բայց… Ընկերոջ հետ փոքրիկ ընկերություն էին հիմնել և տեսախցիկներ էին տեղադրում: Արսենի տարերքը ձկնորսությունն էր, մինչև հիմա ձկնորսության համար անհրաժեշտ իրերը մեր տանն են»: 2020 թ.-ի սեպտեմբերի 27-ը փոխեց մեր երկրի պատմության անիվը ու հազարավոր ընտանիքների կյանքի պատմությունը: Արսենինը՝ նույնպես: Պատերազմի սկսվելու լուրը ստանալով՝ Արսենը սեպտեմբերի 28-ին գնում է զինկոմիսարիատ՝ պահեստազորային եմ, կապավոր, անունս գրեք, որ մեկնեմ Արցախ: «Իր անմահանալուց հետո ինձ պատմեցին, որ զինկոմիսարիատում ասել է, թե 18 տարեկան մեր երեխեքը զոհվում են, պետք է գնալ ու իրենց կողքին լինել»:

Հաջորդ օրն Արսենը ծանուցագիր է ստանում: «Հույս ունեի, որ պատերազմը շուտ է ավարտվելու: Իրեն ասացի՝ իսկ կլինի՞ չգնաս: Այնպիսի հայացքով ինձ նայեց, որ լռեցի ու մեկ բառ այլևս իրեն չասացի: Բանկում ավագ գանձապահ էր աշխատում, երբ տեղեկացնում է, որ մարտադաշտ է մեկնում, բանկի կառավարիչն ասում է՝ Արսե՛ն, աշխատող չունենք, մի երկու օր սպասի, աշխատող գտնենք, նոր կգնաս: Աշխատանքից ազատման դիմում է գրում, տալիս կառավարչին՝ այնտեղ 18 տարեկան երեխեքը զոհվում են, իսկ դու ինձ ի՞նչ ես ասում»: Արսենը զոհվել է հոկտեմբերի 14-ին մարտական դիրքում: «Ջոկատներ են կազմել, բարձրացել դիրքեր, տղաներն իրեն ասել են՝ մեզ կապավոր պետք չէ, Արսենն արձագանքել է՝ գամ, մի բանով օգտակար կլինեմ: Զենքը գցել է ուսին և ուղևորվել Հադրութի «Թութակներ» տեղամաս: Առաջադրանք են կատարել, այդ դիրքում շատ են պահեստազորայիններից զոհված մեր տղաները»:

Էլմիրան ասում է՝ պատերազմի օրերին միշտ զրուցում էին: «Զրույցներից մեկի ժամանակ ասաց, որ տղաներն անձրևանոցներ չունեն: Սոցցանցի իմ էջում գրառում կատարեցի, մի երկու օր հետո տեղեկացրեց, որ իրենց բավականին շատ անձրևանոցներ են ուղարկել: Պատերազմի օրերին այդպես էր, ամեն մեկս մեր տեղում տղաների թիկունքն էր պահում, ավարտն այսպիսին չպետք է լիներ: Հոկտեմբերի 14-ին զրուցում էինք, ասաց, որ մի երկու օր կարող է կապի դուրս չգալ, չանհանգստանամ: «Երեխուն ուշադիր կլինես, սա կանես, այն կանես»: Շատ հետո վերլուծեցի մեր վերջին զրույցը: Նա կասկածներ ուներ, թե արդյոք կվերադառնա՞, կարծես ինձ հրաժեշտ էր տալիս: Գիտակցված մահվան գնաց»: Չորս ամիս Էլմիրան փնտրել է ամուսնուն:

«Վստահ էի, որ իրենից լուր եմ ստանալու, որ իր հետ չի կարող բան պատահել: Կարմիր խաչ, պաշտպանության նախարարություն, ԱԱԾ, զինկոմիսարիատ, ամեն հնարավոր վայրում եղել եմ, որ Արսենի մասին տեղեկություն ստանամ: Բայց որևէ մեկը տեղեկություն չուներ տղաներից: Կապավոր սպան կապի միջոց չի ունեցել, զրահաբաճկոն և այլ անհրաժեշտ պարագաներ չի ունեցել: Ոչ ոք իր տեղում չէր, դրա համար նման արդյունք ունեցանք: Ես դա իմ աչքով եմ տեսել, չէ՞ որ չորս ամիս փնտրում էի ամուսնուս, ցանկանում որևէ տեղեկություն ստանալ իրենից: Ամուսինս կցված է եղել Շուշիին, Հադրութում ի՞նչ գործ ուներ»: 2021 թ.-ին՝ զոհվելուց չորս ամիս անց, ԴՆԹ-ով հաստատվում է Արսենի ինքնությունը: «Ինձ թույլ չտվեցին իրեն տեսնել: Իր իրերից որևէ բան մեզ չհասավ, գոնե հեռախոսը, գուցե նկարներ լինեին, որոնք նաև ինչ-որ հարցերի պատասխաններ տային»:

Արսենն ու Էլմիրան մեկ տղա ունեն, Էլմիրան մի տեսակ ափսոսանքով է խոսում այդ մասին, ասում՝ տունը կարծես դատարկ լինի, երբ երկուսով են: «Դժվար է հատկապես տոնական օրերին: Ասում են՝ տղաներն իրենց կյանքն են տվել, բայց հավատացնում եմ՝ նրանց հարազատների կյանքն էլ է «գնացել»: Մեր կյանքը կիսատվել է: Ուրախանում ես ինչ-որ բանի համար, ինչ-որ տեղ գնում, ժպտում, բայց հենց տանդ դուռը բացում և ներս ես մտնում քո դառը իրականություն, հասկանում ես, որ այդ տասը րոպեի ուրախությունը քոնը չէր: Ուղղակի պահ էր, երբ կարծես ինքդ քեզ խաբեցիր, որ ամեն ինչ լավ է, որ շարունակում ես ապրել: Արսենից հետո երկու թևերս կարծես կտրված լինեն: Երբ զրուցում էինք, Արսենը հաճախ էր ասում՝ եթե դարպասը տվեցինք, գալու են Երևան ու մեր դռան դիմաց կանգնեն: Հիմա եմ հասկանում, թե որքան իրավացի էր Արսենը, բայց այն ժամանակ չէինք հասկանում, երևի տաք էինք: Բայց չենք էլ սառում: Երբ Եռաբլուր եմ գնում, այնքան եմ լալիս, կարծես առաջին անգամ գնացած լինեմ: Ծանրագույն օրերը հաղթահարելու ուժ ինձ որդիս է տալիս»:

Հ. Գ. - Արսեն Շահսուվարյանը հետմահու պարգևատրվել է Արցախի Հանրապետության և Հայաստանի Հանրապետության «Մարտական ծառայություն» մեդալներով: Հուղարկավորված է Եռաբլուրում:

ԼՈՒՍԻՆԵ ԱՌԱՔԵԼՅԱՆ

Հետևե՛ք -ին Youtube-ում`
Կիրկորովն անկեղծորեն խոսել է Դավիթ Մանուկյանի հետ՝ Բուզովայի մասինՆիդերլանդներում կոչ են արել բոյկոտել «Եվրատեսիլը»Ավտովթար՝ Երևան-Եղվարդ ավտոճանապարհին․ կան տուժածներՎրաստանի նախագահն իշխող կուսակցությանն անվանել է «ռուսական երազանք»Վթարի հետևանքով տուժած զինծառայողների հարազատները հավաքվել են «Մուրացան» հոսպիտալի մոտ (տեսանյութ)«Ուրալի» վթարի հետևանքով զոհված 20–ամյա Դավիթը մեկ տարի առաջ էր զորակոչվել. News.amՀարցաքննված վկաները ցուցմունք են տվել Ջալալ Հարությունյանի դեմ. «Փաստինֆո» Կրակոցներ՝ Արարատի մարզում․ կա վիրավորՀնդկաստանի Նոիդա քաղաքում կցուցադրվի Սերգեյ Փարաջանովի «Նռան գույնը» ֆիլմը «Ուրալի» վթարի հետևանքով զոհված Արեգ Քերոբյանը մեկ տարի առաջ էր մեկնել ծառայության․ News.am Բայդենը կոչ է արել Իրանին չհարձակվել Իսրայելի վրաՎթարի հետևանքով մահացած բոլոր չորս զինծառայողները ժամկետայիններ էին․ News.am ՌԴ ՊՆ-ն հրապարակել է միջմայրցամաքային բալիստիկ հրթիռի արձակման կադրերը (տեսանյութ)ՀՀ ՊՆ–ն հրապարակել է վթարի հետևանքով մահացած զինծառայողների անուններըՎարդենիսում 22-ամյա երիտասարդ և 56 ու 36 տարեկան կանայք են ձերբակալվել (տեսանյութ)Շոլցը նշել է Պուտինի հետ զրույցի պայմաններըԱնհայտ օբյեկտ` Հայաստանի երկնքում․ «Հրապարակ»Դա վարչապետի խո՞սք ա, խաղաղություն ես ուզում գյուղը տալո՞վ. ոսկեպարցիները՝ ՄԻՊ-ին (տեսանյութ) Թուրքիայում կանացի հագուստով տղամարդը մտել է մզկիթ և ոտնձգություններ կատարել կանանց նկատմամբՄահացել է իտալացի դիզայներ Ռոբերտո ԿավալինՌուսաստանը միջմայրցամաքային բալիստիկ հրթիռ է փորձարկել (տեսանյութ)ԱՄՆ-ն «քաշեց» Փաշինյանին. ի՞նչ է ասել դեսպանըԶինծառայողներին տեղափոխող «Ուրալի» վթարի դեպքի առթիվ նախաձեռնվել է քրեական վարույթ. ՔԿ Թուրքիայում ճոպանուղու խցիկը 605 մետրից ընկել է․ կա զոհ ու վիրավորներ (տեսանյութ) Լիբանանից ավելի քան 50 հրթիռ է արձակվել Իսրայելի ուղղությամբ (տեսանյութ)Ողբերգական դեպքը տեղի է ունեցել հերթափոխի անձնակազմին տեղափոխելիս. «Փաստինֆո» Իսրայելի պաշտպանության բանակում հայտարարել են, որ ուշադիր հետևում են ԻրանինՊաշտոնյաների ծախսերը՝ պետության հաշվին․ Մուշեղ ՄուրադյանՆԳՆ-ն զգուշացնում է՝ խարդախություն է Տղամարդը բժշկին խնդրել է անդամահատել իր երկու մատները, քանի որ դրանք նյարդայնացնում էին իրենԱրևմուտքը Փաշինյանի վրայից «մաքրում» է Արցախի հանձնման մեղավորությունըԻրանը նախազգուշացրել է ԱՄՆ-ինԴատապարտյալին բերված հանձնուքում հայտնաբերվել է կրակայրիչ՝ լցված թմրամիջոցի նմանվող հեղուկով Միրզոյանն ու Խալեդ ալ-Էնանին մտքեր են փոխանակել համագործակցության հեռանկարների շուրջ (տեսանյութ)Վիրավորում է ստացել 20 զինծառայող, նրանցից մեկի վիճակը գնահատվում է ծայրահեղ ծանր․ ՊՆ«Կոֆե, կենտրոն, Հռոմ» նախագծի անփառունակ ավարտըՎթարի հետևանքով ունենք 20 վիրավոր․ Մեղրիի հիվանդանոցի գլխավոր բժիշկ Հույս ունեմ՝ առաջին բուհը կարող է ակադեմիական քաղաք տեղափոխվել 5-7 տարի հետո․ Թոբիաս ՔեյլԵրկրպագուն մտրակով ծեծել է ֆուտբոլիստին (տեսանյութ)4 զինծառայողի կյանք խլած վթարը տեղի է ունեցել Մեղրիում․ մանրամասներ ՀՀ ՊՆ–ն հայտարարություն է տարածելYandex Armenia-ի ղեկավար է նշանակվել Արամ ՄխիթարյանըԶինծառայողներին տեղափոխող «Ուրալը» վթարի է ենթարկվել․ կա 4 զոհ և վիրավորներԵՄ–ի և Հայաստանի հարաբերություններն առանձնահատուկ դինամիկա են ապրում․ Իտալիայի ԱԳ փոխնախարար Հայաստանը չի մասնակցել ՀԱՊԿ ռազմական խորհրդի նիստին Ավանդական Ջահերով երթն այս տարի կմեկնարկի ապրիլի 23-ին` ժամը 19։15-ին (տեսանյութ) ԱՄՆ-ն սահմանափակել է իր դիվանագետների տեղաշարժն ԻսրայելումՓաշինյանն Անվտանգության խորհրդի շտապ նիստ է հրավիրել․ «Հրապարակ»Թուրքական մեդիան շարունակում է «Զանգեզուրի միջանցքի» թեման դարձնել գլխավոր հարցերից մեկը. թյուրքագետ Փաշինյանը դիտարկել է դեպի Ակադեմիական քաղաքի հատված տանող երկաթուղային ենթակառուցվածքները (տեսանյութ)
Ամենադիտված