Forbes-ը հրապարակել է աշխարհի ամենահարուստ մարդկանց ցանկը

Պերճանքի իրեր արտադրող ֆրանսիական LVMH (LVMH Moet Hennessy Louis Vuitton) ընկերության սեփականատեր Բեռնար Առնոն, ըստ Forbes-ի վարկածի, դարձյալ գլխավորել է աշխարհի ամենահարուստ մարդկանց ամենամյա վարկանիշային աղյուսակը:

«Արմենպրես»-ի փոխանցմամբ՝ Առնոյի կարողությունը գնահատվում է 233 միլիարդ դոլար. մեկ տարի առաջ այն կազմում էր 211 միլիարդ դոլար։

Երկրորդ տեղում մնում է ձեռնարկատեր Իլոն Մասկը, որի կարողությունը մեկ տարի առաջվա 180 միլիարդից հասել է 195 միլիարդի:

Վարկանիշային աղյուսակի երրորդ տեղը կրկին զբաղեցնում է Ջեֆ Բեզոսը։ Amazon-ի հիմնադրի կարողությունը 194 միլիարդ դոլար է․ մեկ տարի առաջ նրա կարողությունը գնահատվում էր 114 միլիարդ դոլար:

Meta ընկերության ղեկավար Մարկ Ցուկերբերգը, որի կարողությունը մեկ տարի առաջվա 64,4 միլիարդ դոլարից միանգամից հասել է 177 միլիարդ դոլարի, 16-րդից բարձրացել է չորրորդ դիրք:

Հինգերորդ տեղում Oracle տեխնոլոգիական ընկերության ղեկավար Լարի Էլիսոնն է, որի կարողությունը 107 միլիարդ դոլարից հասել է 141 միլիարդի:

Մոլորակի միլիարդատերերի ընդհանուր կարողությունը, ըստ Forbes-ի հաշվարկների, կազմում է 14,2 տրիլիոն դոլար, ինչը 2 տրիլիոնով ավելի է մեկ տարի առաջվա ցուցանիշից և 1,1 տրիլիոնով ավելի, քան 2021 թվականին գրանցված նախորդ ռեկորդը։ Դրա հետ մեկտեղ, աշխարհում միլիարդատերերի թիվը հասել է նոր ռեկորդի՝ 2781-ի՝ մեկ տարի առաջվա 2640-ի համեմատ, ինչը 26-ով ավելի է 2021 թվականին գրանցված նախորդ ռեկորդից։

Միլիարդատերերի թվով առաջատարը ԱՄՆ-ն է։ Այնտեղ կա 813 միլիարդատեր՝ 5,7 տրիլիոն դոլար ընդհանուր կարողությամբ։ ԱՄՆ-ին հաջորդում է Չինաստանը, որտեղ կա 473 միլիարդատեր՝ 1,7 տրիլիոն դոլար կարողությամբ։ Երրորդ տեղում Հնդկաստանն է՝ 200 միլիարդատերերով։

Այս թեմայով Քիմ Քարդաշյանը նոր լուսանկարներ է հրապարկել Ասիայի ամենահարուստ մարդու որդու հարսանիքից (լուսանկարներ) Շիրակի մարզպետը հերքում է, թե ինքն ամենահարուստ մարզպետն է Մեծ Բրիտանիայի ամենահարուստ ընտանիքի 4 անդամ ազատազրկման է դատապարտվել՝ տան աշխատողներին շահագործելու համար Ով է աշխարհի ամենահարուստ մարդը. Forbes Մասկը զրկվել է աշխարհի ամենահարուստ մարդու տիտղոսից Աշխարհի ամենահարուստ մարդիկ 2023-ին իրենց կարողությունն ավելացրել են 1,5 տրիլիոն դոլարով. Bloomberg Ովքեր են Հայաստանի ամենահարուստ մարզպետները Հայաստանի ամենահարուստ քաղաքապետերի թոփ 10-յակը Հայաստանի ամենահարուստ փոխքաղաքապետերի թոփ 10-յակը Հայաստանի ամենահարուստ ավագանու անդամների թոփ 10-յակը