Ստավրոպոլում նախկին ֆուտբոլիստ Արմեն Ֆիշյանը մահացու վրաերթի է ենթարկել ՃՈ աշխատակցին ու վարորդին․ «РБК»
Սպորտ![Ստավրոպոլում նախկին ֆուտբոլիստ Արմեն Ֆիշյանը մահացու վրաերթի է ենթարկել ՃՈ աշխատակցին ու վարորդին․ «РБК»](/timthumb.php?src=disc/02-04-24/5d5ffed6e7e6ec14a0f9aa2e36719c11.jpg&w=780)
ՌԴ Ստավրոպոլի երկրամասում երկու մարդու մահացու վրաերթի ենթարկած ամենագնացի վարորդը բերման է ենթարկվել։ Այս մասին հաղորդում է Ստավրոպոլի երկրամասի քննչական կոմիտեն։
Ինչպես РБК-ին հայտնել են իրավապահ մարմիններից, պարզվել է, որ ձերբակալվածը 36-ամյա Արմեն Ֆիշյանն է։ Shot-ը գրել է, որ նա Հայաստանի ֆուտբոլի երիտասարդական հավաքականի նախկին դարպասապահն է։
Միջադեպը տեղի է ունեցել մարտի 23-ին։ Ըստ քննիչների՝ ամենագնացի վարորդը հարվածել է պարեկային մեքենային, ինչպես նաև ՃՈ տեսուչին և ավելի վաղ կանգնեցված մեքենայի վարորդին։ Ստացած վնասվածքներից նրանք տեղում մահացել են։
Ամենագնացի վարորդը փախուստի է դիմել վթարի վայրից, իսկ ավելի ուշ բերման է ենթարկվել Միներալնիե Վոդիում։
Հաղորդվում է, որ հարուցվել է երեք քրեական գործ։
![](banners/armflix.jpg)