Ամուսինը զոհվել է, երեխաներն ունեն լսողական սարքերի կարիք. Արմինեն օգնություն է խնդրում

«Հրապարակին» է դիմել ծնունդով արցախցի Արմինե Ղալայանն, ով այս պահին ունի օգնության կարիք։

Տիկին Արմինեն և իր երկու երեխաները ծնվել և մեծացել են Արցախի Մարտակերտի շրջանի Առաջաձոր գյուղում, 2023-ի սեպտեմբերի 19-ին նրանք ստիպված դուրս են եկել Արցախից, այդ օրերի ռազմական գործողությունների զոհ է դարձել Արմինեի ամուսինը։ Այս պահին նրանք ժամանակավոր բնակություն են հաստատել Կոտայքի մարզի Աբովյան քաղաքում՝ իրենց վարձակալած բնակարանում։ Տիկին Արմինեի երկու զավակներն՝ աղջիկը և տղան ի ծնե ունեն լսողական խնդիրներ։ Երեխաներն Արցախում ապրելու տարիներին լսողական սարք ձեռք բերելու խնդիր չեն ունեցել՝ շնորհիվ Արցախի իշխանությունների իրականացրած սոցիալական ծրագրերի։

Ամեն ինչ Արցախում կորցնելով, նրանք եկել են Հայաստան, հիմա մեծ դժվարություններ ունեն երեխաներին բժշկի տանելու եւ այլ հարցերում: Ճիշտ է` հիվանդանոցային ծախսերը այստեղ պետությունը հոգում է, բայց անհրաժեշտ լսողական սարքեր չի տրամադրում։

«Այս պահին նոր լսողական սարքի անհրաժեշտություն ունի աղջիկս, տղայիս լսողական սարքը դեռ մի որոշ ժամանակ կծառայի իրեն։ Դիմել եմ սոցապ, ասել են՝ մենք չենք կարող տրամադրել նման գնողունակության սարք։ Առաջարկել են այլ սարքավորում, որը բժիշկներն էլ գիտեն, որ չի օգնելու։ Երկար ժամանակ փնտրել եմ այլ հնարավորություններ՝ որպեսզի կարողանամ գտնել անհրաժեշտ գումարը եւ գնել սարքավորումը, բայց միայն կարողանում եմ հոգալ բնակարանի վարձակալության, մեր կենցաղի և երեխաներին բժշկի տանելու ծախսերը: Ստիպված դիմում եմ ձեզ, հույս ունենալով, որ կգտնվեն մարդիկ, որ կցանկանան օգնել մեզ: Իսկ այդ սարքավորման արժեքը 600 հազար դրամի մոտակայքում է»։

Արմինեին և նրա աղջկան օգնելու ցանկություն ունեցողները կարող են զանգահարել 097 10 82 11 հեռախոսահամարով։

Այս թեմայով Ալիևը մեկնել է օկուպացված Արցախ Մենք ոչինչ չենք կարողացել այնպես անել, որ մեր հայրենիքը, մեր Արցախ աշխարհը հայերով շնչի. Սրբազան Արցախի ջնջում է տեղի ունենում, այսօր Արցախ չկա, պետք է շատ հստակ բանակցություններ լինեն. Սրբազան Արամ Ա-ն Լիբանանի Հոգևոր պետերի հետ հանդիպման ժամանակ անդրադարձել է Արցախ վերադարձի իրավունքին, գերիների ազատ արձակման հարցերին Սրբազան պայքարի հաջողվելուց հետո սպասում ենք հստակ քայլերի՝ արցախցիների հավաքական վերադարձ դեպի Արցախ. հանրահավաքի մասնակից (տեսանյութ) Գագիկ Ծառուկյանի նախաձեռնությամբ իրականացված «Հայաստան-Արցախ» Համահայկական երիտասարդական ֆորումի աշխատանքը ներկայացվել է տեսաֆիլմով (տեսանյութ) Մեծ անջրպետ կա հայ ժողովրդի և ՀՀ իշխանությունների շահերի միջև. Օսկանյանը՝ Արցախ վերադարձի մասին (տեսանյութ) ՀՀ կառավարությունն Արցախի ժողովրդի վերաբերյալ որոշումները կայացնում է առանց ռազմավարության, նպատակն Արցախի էջը մեկընդմիշտ փակելն է. Արտակ Բեգլարյան Լուկաշենկոն Ալիևի հետ այցելել է օկուպացված Արցախ Գագիկ Ծառուկյանի աջակցությամբ Ծաղկաձորում մեկնարկել է Արցախ-Հայաստան եռօրյա ֆորում (տեսանյութ)