Ապրիլի 3-ի դրությամբ 30 հոգի պատրաստակամություն է հայտնել մասնակցել Աննա Հակոբյանի նախաձեռնած ընթրիքին, տոմսի արժեքը 1 մլն դրամ է

Ապրիլի 3-ի դրությամբ 30 հոգի պատրաստակամություն է հայտնել աջակցել նախաձեռնությանը, գնել 1 մլն դրամ արժողությամբ տոմսերը․ այս մասին Tert.am-ի հետ զրույցում հայտնեց «Իմ քայլը» հիմնադրամի աշխատակազմի ղեկավար Դավիթ Մկրտչյանը։

«Ցուցահանդես-վաճառքի մասնակցության հայտերն ընդունվում են մինչև ապրիլի 7-ը: Հայտերի ընդունման վերջնաժամկետը լրանալուց հետո հնարավոր կլինի ներկայացնել վիճակագրություն: Ապրիլի 3-ի դրությամբ 30 հոգի պատրաստակամություն է հայտնել աջակցել նախաձեռնությանը, գնել 1 մլն դրամ արժողությամբ տոմսերը՝ այդպիսով աջակցելով սկսնակ կին գործարարներին»,- տեղեկացրեց Մկրտչյանը և հիշեցրեց, որ ամբողջ հասույթը դրամաշնորհների տեսքով ուղղվելու է մարզերում գործունեություն ծավալող սկսնակ կին գործարարներին:

Մկրտչյանը նաև հիշեցրեց, որ ընթրիքի մասնակցության հայտերն ընդունվում են մինչև ապրիլի 10-ը, որից հետո Հիմնադրամը կամփոփի արդյունքները:

Հարցին՝ արդյոք բացի սկսնակ կին գործարարներից հրավիրվել են ավելի փորձառու գործարարներ, նա արձագանքեց, որ նախաձեռնությունը բաց է բոլոր կին գործարարների համար, ովքեր կցանական աջակցել սկսնակ կին գործարարներին՝ մասնակցելով ընթրիքին:

«Բարեգործական ընթրիքին մասնակցելու համար անհրաժեշտ է ձեռք բերել 1 մլն դրամ արժողոթյամբ տոմսեր, իսկ ցուցահանդես-վաճառքին մասնակցությունն անվճար է: Երկու դեպքում էլ անհրաժեշտ է կապ հաստատել հիմնադրամի հետ՝ զանգահարելով 044 444 761 հեռախոսահամարով կամ նամակ գրել [email protected] էլեկտրոնային հասցեին»,- տեղեկացրեց նա:

Հիշեցնենք, որ ավելի վաղ «Իմ քայլը» հիմնադրամը հաղորդագրություն էր տարածել, որ նախաձեռնում է բարեգործական ընթրիք՝ «Հաջողակ կին գործարարների աջակցությունը սկսնակ կին գործարարներին» խորագրով։ Ընթրիքին մասնակցելու համար անհրաժեշտ է գնել տոմս, որի արժեքը 1 մլն դրամ է։

Այս թեմայով ԵՄ դեսպանին հրավիրել եմ ներկա գտնվելու Աշոտյանի դեմ քաղաքական դատավարությանը․ Աննա Մկրտչյան Ադրբեջանը պատրաստակամություն է հայտնել համագործակցելու Հայաստանի հետ Ինտերպոլի ԱԿԲ-ների պետերի ամենամյա վեհաժողովին մասնակցել է նաև ՀՀ ներկայացուցիչը Ինքնաշխատ նոր համակարգի միջոցով 20 534 ֆիզիկական անձի վերադարձվել է 647,5 մլն դրամ սոցիալական վճար. ՊԵԿ «Կառավարությունում մեզ որևէ հույս չեն տվել, մտածում ենք՝ մեր նախաձեռնած պայքարով որևէ բան կփոխենք». Կիրանցի գյուղապետ Տարադրամի փոխարժեքները ապրիլի 30-ին Ապրիլի 30-ի աստղագուշակ Օրվա խորհուրդ. Ապրիլի 30 Ապրիլի 30-ին գումարվող հերթական նիստերի օրակարգի նախագծում ընդգրկվել է 18 հարց Արթուր Խաչատրյանը հանցագործության մասին հաղորդում է ներկայացրել՝ ապրիլի 27-ի միջադեպի առնչությամբ