Վճռական այս պահին կանգնենք տավուշեցու կողքին ու միասին թույլ չտանք պարտադրվող կործանարար զիջումները

«Տավուշը հանուն հայրենիքի» քաղաքացիական նախաձեռնության խորհուրդը հայտարարություն է տարածել․

«Սիրելի՛ հայրենակիցներ,

Ապրիլի 4-ին Իջևան քաղաքում կայացավ համատավուշյան հավաք, որին մասնակցեցին Տավուշ աշխարհի բոլոր շրջաններից։

Հանդիպման ընթացքում քննարկվեց Տավուշի մարզից ռազմավարական նշանակության տարածքների` Ադրբեջանին միակողմանի զիջելու մասին գործող իշխանությունների ծրագիրը։ Ակնհայտ է, որ Տավուշի շրջանում միակողմանի զիջումները հանգեցնելու են ՀՀ ողջ անվտանգային համակարգի փլուզմանը, վտանգելու են ռազմավարական նշանակության ենթակառուցվածքները` նոր սպառնալիքներ ստեղծելով Հայոց պետության համար։

Առանց սահմանազատման և սահմանագծման սկզբունքների շուրջ վերջնական և համալիր համաձայնության ու փոխադարձության սկզբունքի պահպանման` հատվածական սահմանազատումն ու սահմանագծումը ամբողջությամբ բխում է Ադրբեջանի շահերից։

Ուստի այս հայտարարությամբ մեր անհամաձայնությունն ենք հայտնում միակողմանի զիջումների պարտվողական տրամադրությանը։ Միաժամանակ դիմում ենք պետական բոլոր այրերին և զինվորականներին, հիշեցնելով, որ Հայաստանի ինքնիշխան տարածքները հանձնելը, իշխանության վերազանցությամբ ընդունված ապօրինի որոշումների կատարումը պետության դեմ ուղղված ծանր հանցագործություններ են։

Ակնհայտ է, որ մեզ պարտադրվող զիջումներին կարող ենք դիմագրավել միակամությամբ և համազգային հակազդեցության դրսևորմամբ։

Ուստի այս իրավիճակում յուրաքանչյուր հայ մարդու դիրքորոշման արտահայտումը և տավուշեցու կողքին կանգնելը պահի հրամայականն է։

Կոչով դիմում ենք ՀՀ բոլոր քաղաքացիներին և սփյուռքի հայրենակիցներին. սա միայն Տավուշ աշխարհի կամ տավուշցու հարցը չէ, սա ողջ հայ ժողովրդի և Հայոց Պետականության խնդիրն է։ Վճռական այս պահին միահամուռ կերպով կանգնենք պետական շահի, հայկական բանակի և տավուշեցու կողքին ու միասին թույլ չտանք մեզ պարտադրվող նոր կործանարար զիջումները»։

Այս թեմայով Կիրանցիները թույլ չեն տվել սակրավորներին առաջ գնալ Կիրանցը միասին դարձնենք Հայաստանի պարտվողական, հանձնվողական քաղաքականությանը վերջ տալու սկզբնակետը. Աբրահամ Գասպարյան (տեսանյութ) Ոնց որ թե թույլ ենք տալիս «շահումով խաղերին» 10 օր ուշացումով հարկեր վճարեն. Թունյան (տեսանյութ) Ոստիկանները գազանաբար առևանգեցին Գերասիմ Վարդանյանին. քաղաքացիները թույլ չեն տալիս տանել (տեսանյութ) Կեղծիքի իշխանությունը չի՛ կարող ներկայացնել Հայաստանը եւ հայ ժողովրդին այս ճակատագրական պահին. Հայկ Մարության Սուրեն Պետրոսյանի աջակիցներն այս պահին հավաքվում են ՁՊՎ-ի մոտ. հայտարարություն Բաքուն չորս գյուղերով չի կանգնելու, խաղաղության ստորագրման պահին ՀՀ-ից էլի են պոկելու (տեսանյութ) Նորատուսի տներից մեկում հայտնաբերվել է տղամարդու մարմին՝ կողքին էլ «Մակարով» տեսակի ատրճանակ Սգում ենք հայ ժողովրդի հետ միասին․ ՀՀ-ում ՌԴ դեսպանատուն Չպետք է թույլ տանք, որ պատմությունը կրկնվի․ ԵԽ զեկուցողն իր աջակցությունն է հայտնել աշխարհասփյուռ հայերին