Բնակիչները դիմում են ՀՀ Կառավարությանը․ Գեղանիստ-Երևան ավտոճանապարհի կամուրջը ճողվածք է ստացել

Այն, որ վերջին տարիներին Հանրապետությունում հսկայածավալ աշխատանքներ են կատարվել մարզերում իրենց դարն ապրած կամուրջների կապիտալ վերանորոգման ուղղությամբ, անհերքելի փաստ է։Այս մասին հայտնում է shamshyan.com-ը:

Անգամ այնպիսի գյուղերում են կամուրջները կարգի բերվել, որ այդ հատվածներում միայն սովետական տարիներին են աշխատանքներ կատարվել։ՀՀ վարչապետ Նիկոլ Փաշինյանի հանձնարարականներով աշխատանքների հսկողությունը դրվել է  Տարածքային կառավարման և ենթակառուցվածքների նախարար Գնել Սանոսյանի վրա, ով որոշ հատվածներում աշխատանքներին հետևում է առցանց եղանակով։

Աշխատանքները հիմնականում կատարվում են ՀՀ «Ճանապարհային դեպարտամենտ» հիմնադրամի աշխատակիցների կողմից, որի ղեկավար Գոռ Ավետիսյանը հենց տեղում աշխատանքների մասին ներկայացնում է Գ․ Սանոսյանին։ Գովելի է, որ այդ ամենը կատարվում է, սակայն Արարատի մարզի Գեղանիստ գյուղից դեպի Երևանի «Աերացիա» տանող ճանապարհին եղած կամուրջին բնակիչներն արդեն անուն են դրել, ասելով՝ «կամուրջը ճողվածք է ստացել»։

Երեկ՝ ապրիլի 5-ին, ֆոտոլրագրող Գագիկ Շամշյանի հետ զրույցում վարորդները արդարացիորեն բարձրաձայնում էին, ասելով «Էս կամուրջը քանի է տարի է խոստացել են, որ հիմնովին կվերանորոգեն, բայց այդ ամենը իրականություն չի դառնում։ Գուցե պատասխանատուները սպասում են, որ կամրջի փլուզվելու հետևանքով ողբերգություն տեղի ունենա, նոր տեսենեն ինչ է հնարավոր անել։

Մի թե ժամանակը չէ, որպեսզի էս խնդիրը լուծեն։էս ճանապարհից անգամ զբոսաշրջիկներն են օգտվում։ Նույնիսկ եղել են դեպքեր, որ տուրիստները կամրջի վրայով անցնելիս «Օ մայ Գադ-օ մայ Գադ» ասելով խաչակնքվում նոր շարժվում էին»։

Ֆոտոլրագրողը հայտնում է, որ կարիք չկա գույները խտացնել, անզեն աչքով էլ երևում է, որ կամուրջը, որի տակով գետ է անցնում, ամեն վայրկյան հնարավոր է փլուզվի, իսկ գիշերային ժամերին արտաքին լուսավորության բացակայության պատճառով եղել են դեպքեր, որ ավտոմեքենաների անիվները հայտնվել են կամրջի «ճողվացքի մեջ»։

Ոչ միայն բնակիչները, այլ վարորդները խնդրանք-պահանջով դիմում են Ն․ Փաշինյանին, Գ․ Սանոսյանին, որպեսզի խնդիրը հրատապ կարգով լուծեն, քանի որ ամեն մի վայրկյան ուշացնելու դեպքում չգիտես ինչ կլինի կամրջի հետ, նամանավանդ, որ կամրջի հարևանությամբ գործում են նաև ուսումնական հաստատություններ ու երեխաները նշված հատվածով անցնելիս վախի զգացողություններ են ունենում։

Այս թեմայով Երևան-Մեղրի ավտոճանապարհին կողաշրջված ավտոմեքենայի վարորդը հոսպիտալացվել է Դատական իշխանության անկախության դեմ ոտնձգությունները նոր դրսևորում են ստացել․Ազարյան Երևան-Քիշնև չվերթի շուրջ 50 ուղևորի թույլ չեն տվել մեկնել․ «FlyOne»-ը մեկնաբանել է Երևան-Մեղրի ճանապարհին բախվել են «ZIL»-ը և «HOWO» բեռնատարները, վնասվել է գազի խողովակը․ կա տուժած Բնակիչները գանգատվում են ջրի համից և հոտից, սակայն արտեզյան ջրերը համարվում են խմելու ենթակա Չարենցավանի բնակիչները պատրաստվում են բողոքի ակցիաներ իրականացնել․ ինչն է պատճառը Վերսկսվում են Երևան-Դուբայ-Երևան երթուղով ուղիղ չվերթները «Հայկական Ավիաուղիներ»-ը օգոստոսի 9-ից կգործարկի Երևան-Կազան-Երևան երթուղով կանոնավոր չվերթ Սևանում հյուրատանը տեղի ունեցած դեպքով ձերբակալվել են Նորատուսի 19-ամյա և Կողբի 40-ամյա բնակիչները ԱՄՆ հետախուզությունը տեղեկություն է ստացել, որ Իրանը պատրաստվում է վերացնել Թրամփին. CNN