«Ո՛չ Աստված և ո՛չ էլ ազգը չի ների Ձեզ»․ Տեր Աբրահամ Մարտիրոսյան

Տեր Աբրահամ քահանա Մարտիրոսյանը ֆեյսբուքյան իր էջում գրում է․

«ԱԺ քպ-ական պատգամավոր Արթուր Հովհաննիսյանին զայրացրել է Հայ Եկեղեցու եպիսկոպոսների և թեմակալ առաջնորդների հայտարարությունը, որն անընդունելի է համարում նախքան ենթադրվող սահմանազատումն ու սահմանագծումը Տավուշի մարզից Ադրբեջանին տարածքներ հանձնելու ՀՀ իշխանությունների կողմից վերջին շրջանում զարգացված խոսույթը:

Հարգարժան պատգամավոր, նախ Ձեր կարգավիճակը Ձեզ թույլ չպիտի տար Մայր Աթոռը նույնացնել ընդդիմության հետ կամ այն իջեցնել կուսակցության մակարդակի: Դուք դա պիտի գիտակցեիք մանդատը վերցնելուց առաջ. մեր ազգային կյանքում և մանավանդ պետականության պահպանման մեջ Մայր Աթոռի ունեցած դերակատարությանը եթե տեղյակ լինեիք, ապա դժվար թե Ձեզ թույլ տայիք նման հռետորաբանություն: Մայր Աթոռի բոլոր քայլերը արվել են և արվելու են հանուն ՀՀ պետականության, հանուն արցախահայերի իրենց բնօրրանում ապրելու արդար իրավունքի:

Դժվարություն կունենաք սա ընկալելու, բայց թերևս մի գեղեցիկ օր կհասկանաք: Կեղծ լուրեր տարածելով իրականում Դուք եք զբաղվում, երբ Ձեր անհեռատես «պետականամետությամբ» անվանարկում եք հայ պետականության կարևոր հիմնախարիսխներից մեկը՝ Հայոց Եկեղեցին: Իսկ ինչ վերաբերում է Աստծու ներողամտությանը, ապա հիշեք, որ ո՛չ Աստված և ո՛չ էլ ազգը չի ների Ձեզ, այո՛, հատկապես Ձեզ, եթե անձնական շահը վեր դասեք հայ պետականությունից, հայ հողից»։ 

Այս թեմայով Գյուղացիները տագնապած են, որ իրենց կյանքը կփոխվի դեպի բացասականը. Սեմյոն քահանա Առաքելյան (տեսանյութ) Պետրոս Ղազարյանի հրավերն ընդունված է․ Եսայի քահանա Արթենյան Քրիստոսին խաչեցին հենց նրա համար, որ չցանկացավ հեղափոխական լինել և հեղափոխություն անել. Եսայի քահանա Արթենյան Քիչ առաջ ինձ զանգահարում և հարցնում են, թե «մեռելների զատիկը» ե՞րբ է. Տեր Վարազդատ քահանա Բուխարեստում տեղի ունեցավ քննարկում՝ նվիրված Արցախի հոգևոր-մշակութային ժառանգության պահպանությանը Կարգալույծ է հռչակվել Տ. Վրթանես քահանա Բաղումյանը Հայրենիք ենք կորցնում․ Տեր Եսայի քահանա Արթենյան Դադիվանքի նախկին քահանա Տեր Հովհաննես քահանա Հովհաննիսյանը վիրավոր է Կարգալույծ է հռչակվել Տ. Սեդրակ քահանա Աղասյանը Կարգալույծ է հռչակվել Տ. Ադամ քահանա Մովսեսյանը