Երևանում խմելու ջրի մայր խողովակի վնասման պատճառով ջուրը ողողել է բնակելի տներ, տեղի է ունեցել փլուզում

Այսօր՝ ապրիլի 12-ին, արտակարգ իրավիճակ է ստեղծվել Երևանում: Ժամը 03:25-ի սահմաններում ՀՀ Ներքին գործերի նախարարությն փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Էրեբունի վարչական շրջանի Վարդան Աճեմյան փողոցում գտնվող տների մոտ խմելու ջրի գլխավոր մագիստրալը վնասվել է և ջուրը լցվում է մարդկանց տները:

Ինչպես հայտնում է shamshyan.com-ը,  բնակիչները նշում էին, որ վթարը տեղի է ունեցել ժամը 01:30-ից 02:00-ն ընկած ժամանակահատվածում ու ջուրը ողողել է մի քանի սեփական տուն, որոշ հատվածներում էլ ջրի բարձրությունը հասնում է 60 սմ-ից 1 մետրի:

Պարզվել է, որ ողողվել են թիվ 179 (սեփականատեր Մերի Նիկողոսյան) և թիվ 179/1 (սեփականատեր Ժաննա Աղաջանյան) տները՝ մոտ 80սմ խորությամբ։

Աղբյուրի փոխանցմամբ՝ տեխնիկայի մոտեցման ուղիներ չլինելու պատճառով՝ ջրահեռացման աշխատանքներ չեն կատարվել: Բացի այդ, Վ. Աճեմյան փողոցի 1-ին նրբանցքի թիվ 8 տանը (սեփականատեր Սվետլանա Ասիլբեկյան) ջրալցվող տներին կից տեղի է ունեցել բնակչի տան արտաքին պատի հսկայական փլուզում։

Ֆոտոլրագրող Գ. Շամշյանի հետ զրույցում բնակիչներն ասում էին.

«Գիշերը 1:30-ից 2-ի սահմաններում էր, խմելու ջրի՝ հավանաբար խողովակի վնասման պատճառով ջուրը մեծ թափով սկսեց դուրս տալ: Փորձեցինք մեր ուժերով դեմն առնել, սակայն անզոր էինք, քանի որ չգիտեինք՝ որ հատվածից է խմելու ջուրը դուրս տալիս: Մի քանի անգամ ահազանգեցինք «Վեոլիա ջուր», սակայն ոչ մի արձագանք: Այնտեղ տիրում էր մեռելային լռություն: Ստիպված զանգահարեցինք «9-11» ու միայն մեր զանգին օպերատիվ արձագանքեցին փրկարարներն ու պարեկները: Թաղապետարան էլ այդ ժամին գիտեինք, զանգեինք՝ «ձայն բարբառո հանապատի» էր լինելու, էդ ժամին էնտեղ հաստատ մարդ չէր լինի, բայց անընդհատ զանգահարում էինք «Վեոլիա ջուր» ու բազմաթիվ զանգերից հետո բարեհաճեցին պատասխանել, բայց ասացին, որ իրենց աշխատանքային ժամը սկսվում է ժամը 9-ին, իսկ երբ հայտնեցինք, որ վթարվել է խմելու ջրի մագիստրալը ու լցվում է տներով մեկ, ինչի պատճառով տան պատի փլուզում է տեղի ունեցել, որ գոնե այս պարագայում բացառություն արեք, մարդ ուղարկեք, որ գա մագիստրալի ջրի վինտիլը փակի, էլի ստացանք նույն դատարկ պատասխանը՝ ձեր հայտը գրանցված է, տեղյակ ենք խնդրին, աշխատանքային ժամը կսկսվի, մեր մասնագետները կմոտենան: Երևի «9-11»-ից էին դրանց մի բան ասել, որ 5 ժամ հետո բարեհաճեցին ու ջրի վինտիլը փակեցին: Հիմա չգիտենք՝ երբ կվերանորոգեն, ով մեզ օգնության ձեռք կմեկնի: Երևանի քաղաքապետարանը թե Էրեբունու թաղապետարանը:

Ամեն դեպքում միայն գոհ ենք փրկարարներից ու պարեկներից, մնացած կառույցներն արհամարհած ունեն թե բնակչին, թե սպառողին, իսկ «Վեոլիա ջրի» համար կարևորը վճարումները սպառողները ժամանակին կատարեն, իսկ թե ով պետք է ժամանակին արձագանքի բնակչի այս խնդիրներին, երևի «Վեոլիա ջրի» համար դա կարևոր չէ: Ամոթ է, 21-րդ դարում նման վիճակ»:

Աղբյուրի փոխանցմամբ՝ Երևանի քաղաքապետ Տիգրան Ավինյանի մամուլի խոսնակ Հայկ Կոստանյանն արդեն տեղեկացրել է Էրեբունի վարչական շրջանի ղեկավարի աշխատակազմին, որտեղից ժամանել են թաղապետարանի աշխատակիցները, սակայն խնդիրը պետք է լուծի «Վեոլիա ջուրը», իսկ «Վեոլիա ջրում» դեռ չեն պատասխանել, թե երբ են սկսելու վթարավերականգնողական աշխատանքներ:

Այս թեմայով Երևանում այս տարի շուրջ 52 կմ ճանապարհ կբարեկարգվի Երասխի հատվածում դիրքային որևէ փոփոխություն տեղի չի ունեցել. ՀՀ ՊՆ Անմիջապես սկսվել է ուսումնասիրություն․ ՄԻՊ-ը՝ Փոքր Վեդիում մանկապարտեզում տեղի ունեցած դեպքի մասին Մոսկվայում 17 մարդու թունավորման պատճառով ձերբակալվել է շաուրմայի վաճառքի կետի խոհարար-վաճառողը Երևանի «Ավանգարդ» հյուրանոցի տարածքում տեղի ունեցած սպանության համար մեղադրվողը կալանավորվել է Տեղի է ունեցել նախագծային և շինարարական կազմակերպությունների ներկայացուցիչների հետ հանդիպում Սպանության փորձ՝ մեքենան հեռահար լույսերով վարելու հարցի պատճառով․ 27-ամյա երիտասարդ է կալանավորվել Կապանում տեղի է ունեցել քարաթափում․ փրկարարները մաքրել են երթևեկությանը խոչընդոտող ժայռաբեկորները Ակտիվիստների պատճառով Գերմանիայի օդանավակայաններից մեկում թռիչքները դադարել են, Բրիտանիայում 9 հոգու են ձերբակալել Երևանում և Արամավիրում կապարակնքվել է վառելիքի վաճառքով զբաղվող մի շարք կազմակերպություններ