Հայաստանի կառավարությունը նախատեսում է բժշկական կենտրոններից մեկում ստեղծել սիմուլյացիոն կրթական կենտրոն

Հայաստանը կմեծացնի վերարտադրողական օժանդակ տեխնոլոգիաների կարողությունները, բժշկական կենտրոններից մեկում կստեղծի սիմուլյացիոն կրթական կենտրոն:  

Կառավարությունը նիստում այս մասին ասաց առողջապահության նախարար Անահիտ Ավանեսյանը:

Նա հիշեցրեց, որ ներկայում Հայաստանում գործում է 6 կենտրոն, որոնք իրենց մաքսիմալ կարողություններով են աշխատում, այժմ նախատեսվում է ընդլայնել ծրագիրը, ներդրում իրականացնել պետական բժշկական կենտրոնում՝ հիմնելու վերարտադրողական օժանդակ տեխնոլոգիաների նոր ծառայություններ:

«Եթե 2023-ին մեր շահառուների թիվը կազմել է 5441 հոգի, և ծնված բալիկների թիվը եղել է 159, ապա 2024 թվականի առաջին 3 ամիսների ընթացքում արդեն շահառուների թիվը 1672 է, ծնված երեխաների թիվը՝ 109»,- ասաց նախարարը՝ հավելելով, որ ծրագրի ընդլայնման արդյունքում հերթերը կնվազեն:

Ավանեսյանը նաև հայտնեց, որ նախատեսվում է «Սուրբ Գրիգոր Լուսավորիչ» բժշկական կենտրոնում ստեղծել սիմուլյացիոն կրթական կենտրոն:

Ավանեսյանի խոսքով՝ կենտրոնում կստեղծվեն անվտանգ պայմաններ սովորելու, այդ ընթացքում նաև սխալվելու, նույն վիրահատական միջամտությունը բազմիցս կրկնելու, ծրագրային լուծումների շնորհիվ օբյեկտիվ գնահատվելու համար:

Այս թեմայով Հայաստանի Տիրինկատար հնավայրի վիշապաքարերը և մշակութային լանդշաֆտը ընդգրկվել են ՅՈՒՆԵՍԿՕ-ի համաշխարհային ժառանգության նախնական ցանկում Հայաստանի պատվիրակությունը մասնակցել է Փարիզի Խաղերի բացմանը Հայաստանի Հանրապետությունը զարգանում է՝ տեսանելի տեմպերով․ վարչապետ Հայաստանի Տիրինկատար հնավայրի վիշապաքարերն ընդգրկվել են ՅՈՒՆԵՍԿՕ-ի համաշխարհային ժառանգության նախնական ցանկում «Հայաստանի օլիմպիական տան» դեմքը ֆուտբոլի աշխարհի առաջնության չեմպիոն Յուրի Ջորկաեֆն է Օլիմպիական խաղերին համընթաց Փարիզի սրտում բացվեց «Հայաստանի տունը» Խաղաղության պայմանագրի՝ Հայաստանի պատասխան առաջարկները մշակման փուլում են. ԱԳՆ խոսնակ Հայաստանի շախմատի հավաքականը ներկայացրել է առաջիկա օլիմպիադայի մասնակիցներին Մեկ օրում՝ 3 վարկ․ Փաշինյանի կառավարությունը պետությունը պարտքի տակ գցելու ռեկորդներ է սահմանում Ակտիվիստների պատճառով Գերմանիայի օդանավակայաններից մեկում թռիչքները դադարել են, Բրիտանիայում 9 հոգու են ձերբակալել