Բաքուն յուրացնում է Արցախի ժառանգությունը՝ Ս. Պողոս-Պետրոս եկեղեցին ներկայացնելով աղվանական

Հայկական լեռնաշխարհի մշակութային ժառանգության օմբուդսմենը ֆեյսբուքյան իր էջում ահազանգում է․

«Ադրբեջանի պետական վարչակարգը շարունակում է բռնազավթված Արցախի մշակութային ժառանգության յուրացման և ոչնչացման քաղաքականությունը։ Ապրիլի 12 -ին ադրբեջանական ֆեյսբուքյան հարթակներից մեկում հրապարակվեց մի լուսանկար կից ադրբեջաներեն գրությամբ, որում Շալուայի 17-18-րդ դարերի ս. Պողոս-Պետրոս եկեղեցին ներկայացվում է որպես աղվանական։ Եկեղեցու մասին առավել մանրամասն կարող եք կարդալ հետևյալ հղմամբ։

Ադրբեջանը որպես աղվանական է ներկայացնում ոչ միայն Արցախի ու Նախիջևանի հայկական մշակութային ժառանգության զգալի մասը, այլ նաև՝ Տաթևի վանքը, Հառիճավանքը, Էջմիածնի Մայր տաճարը, Հաղարծինի վանքը, Գոշավանքը, Հաղպատի վանական համալիրը, Սևանավանքը, Գեղարդավանքը, Սուրբ Գայանե եկեղեցին, Սուրբ Հռիփսիմե եկեղեցին, Եղիպատրուշի վանքը, Եղվարդի Սուրբ Աստվածածին եկեղեցին, Աղթամարի Սուրբ խաչ եկեղեցին և այլ հոգևոր մշակութային արժեքներ։

Ըստ «Զինված հակամարտությունների ժամանակ մշակութային արժեքների պաշտպանության մասին» 1954 թվականի Հաագայի կոնվենցիայի 4-րդ հոդվածի՝ արգելված է մշակութային ժառանգության հանդեպ վանդալիզմի, գողության, կողոպուտի, յուրացման, թշնամանքի և հաշվեհարդարի ցանկացած գործողություն։ Հաագայի 1954 թվականի առաջին արձանագրությունն արգելում է օկուպացված տարածքներում ոչնչացնել մշակութային կամ հոգևոր արժեքները»։ 

Այս թեմայով Ալիևը Զելենսկիին հրավիրել է Բաքու Վրաստանի վարչապետը մեկնել է Բաքու Ռուս մարմնամարզիկները հրաժարվել են մեկնել Բաքու Բաքու-Մոսկվա դաշնակցային փոխգործակցությունը կարևոր գործոն է տարածաշրջանային կայունության և անվտանգության համար. Ալիևը՝ Միշուստինին Լավրովը հայտնել է՝ Երևան-Բաքու հարաբերություններում ինչից է կախված առաջընթացը Քամիլ Զեյնալլին ազատ է արձակվել և այսօր կվերադառնա Բաքու. փաստաբան «Լուրջ հարված՝ խաղաղության գործընթացին»․ Բաքուն մեղադրանքներ է հնչեցրել ՀՀ–ի հասցեին Երևան-Բաքու հաշտեցման ճանապարհային քարտեզը եռակողմ պայմանավորվածություններն են, որոնք այլընտրանք չունեն. Զախարովա Ադրբեջանի հետ հարցերի կարգավորման մասին ենք խոսել, Չեխիայի ԱԺ նախագահը կգնա նաև Բաքու (տեսանյութ) Կլաարը Երևանից Բաքու չի մեկնի