Սորոսի հիմնադրամը դադարեցրել է իր աշխատանքը Ղրղզստանում
Աշխարհ![Սորոսի հիմնադրամը դադարեցրել է իր աշխատանքը Ղրղզստանում](/timthumb.php?src=disc/16-04-24/92755c79cadd4831e9c033224cef9984.jpg&w=780)
«Սորոս-Ղրղզստան» հիմնադրամն այլևս չի գործի հանրապետությունում ոչ առևտրային կազմակերպությունների մասին օրենքի պատճառով։ Այս մասին հայտնում է կազմակերպության մամուլի ծառայությունը։
«Բաց հասարակության հիմնադրամները դադարեցնում է իր ազգային հիմնադրամի՝ «Սորոս-Ղրղզստան» հիմնադրամի գործունեությունը»,- ասվում է հայտարարության մեջ։
Ըստ կազմակերպության՝ փակումը տեղի է ունեցել նոր օրենքի ընդունման պատճառով, որը սահմանում է «միջազգային հանրության կողմից ֆինանսավորվող տեղական կազմակերպությունների գործունեության ավելորդ սահմանափակումներ»։
«Հիմնադրամը <...> շահույթ չհետապնդող կազմակերպություն է, սակայն ֆինանսավորում է ստանում արտերկրից, որն անխուսափելիորեն ենթարկելու է նրան օրենսդրական նոր սահմանափակումներին»,- պարզաբանվում է հաղորդագրության մեջ։
Ինչպես նշվում է նյութում, կազմակերպությունը, որը Ղրղզստանում գործել է շուրջ 30 տարի, ավելի քան 115 միլիոն դոլար է հատկացրել իր գործունեության ընթացքում տարբեր տեղական նախագծերին աջակցելու համար։
![](banners/armflix.jpg)