Վրաստանի վարչապետը երկրի նախագահին անվանել է «օտարերկրյա ազդեցության գործակալ»
Աշխարհ![Վրաստանի վարչապետը երկրի նախագահին անվանել է «օտարերկրյա ազդեցության գործակալ»](/timthumb.php?src=disc/17-04-24/d29129ce8d78614d8156e2cbb25884ac.jpg&w=780)
Վրաստանը չի հրաժարվի օտարերկրյա գործակալների մասին օրենքից, հայտարարել է վարչապետ Իրակլի Կոբախիձեն։ Նա այսպես է արձագանքել ամերիկացի ու եվրոպացի քաղաքական գործիչների քննադատությանը։
«Ինչ վերաբերում է ամերիկացի և եվրոպացի քաղաքական գործիչների հայտարարություններին, ապա շատ ցավալի է, որ այդ հայտարարություններից և ոչ մեկը չի պարունակում որևէ փաստարկ, կրկնում եմ՝ ոչ մի փաստարկ։ Դուք տեսել եք այդ հայտարարությունները, օրինակ՝ Ստոլտենբերգի (ՆԱՏՕ-ի գլխավոր քարտուղար), Շոլցի (ԳԴՀ կանցլեր), Վրաստանում աշխատող կոնկրետ դիվանագետի... Նման պայմաններում համապատասխան հայտարարությունները մեր որոշման վերանայման հիմք չեն դառնա», - ասել է Կոբախիձեն ճեպազրույցում:
Վրաստանի վարչապետը նաև երկրի նախագահ Սալոմե Զուրաբիշվիլիին անվանել է «օտարերկրյա ազդեցության գործակալ» և նշել՝ «Օտարերկրյա ազդեցության թափանցիկության մասին» օրինագիծն առաջին հերթին ուղղված է Վրաստանին ուկրաինացումից պաշտպանելուն։
![](banners/armflix.jpg)