Մեծ քաղաքականությունն ու փոքրիկ Արփի Փաշինյանը

Աննա Հակոբյանն այսօր վաղ առավոտյան այցելել էր Ծիծեռնակաբերդի հուշահամալիր և թերևս բոլորի համար էլ անսպասելի էր այն արձագանքը, որը այնտեղ հավաքված ժողովուրդը ցույց տվեց Փաշինյանի տիկնոջ ներկայությանը: Նրան դիմավորել են «Նիկոլ ցեղասպան», «Նիկոլ հողատու», «Նիկոլ դավաճան» վանկարկություններով: Ներկաներից մեկը հարց ուղղեց Փաշինյանի տիկնոջը. «Տիկին Հակոբյան, ինչպե՞ս եք վերաբերվում նրան, որ ձեր ամուսինը մեր հայրենիքի մի մասը հանձնել է»։ Աննա Հակոբյանն ի պատասխան միայն խոժոռ հայացքով նայեց։ Ի վերջո Հակոբյանին հաջողվել է ծաղիկներ դնել անմար կրակի մոտ միայն ոստիկանների միջամտությունից հետո։ Սա, անշուշտ, այսօրվա ամենատպավորիչ և հանրային լայն ռեզոնանսի արժանացած իրադարձությունն էր և կարելի է միայն պատկերացնել, թե ինչ ափսոսանքով էին հայ մայրերը դիտում այս պատկերը՝ հաշվի առնելով, որ Աննա Հակոբյանը միայնակ չէր, այլ հուշահամալիր էր եկել փոքր դստեր՝ Արփիի հետ:

Տարածված կադրերից պարզ է դառնում, որ  Փաշինյանի կրտսեր դուստրը կատարվածից ակնհայտ կերպով հուզվել էր, նույնիսկ վախեցել: Անշուշտ, նման իրավիճակը հոգեբանորեն բավական ծանր է փոքր երեխայի համար և այդ մասին է վկայում նաև Արփիի այլայլված դեմքը:

Այո, այս իշխանությունները մեզ սովորեցրել են շատ ավելի բարդ հոգեբանական վիճակների, սովորեցրել են դատարկ դագաղների տեսարանների, սովորական են դարձել նաև գերլարված և հուզումնառատ պահերը: Սակայն, այսօր Ծիծեռնակաբերդի հուշահամալիրում հավաքված մարդկանց կողմից գուցե և զուտ մարդկային տեսանկյունից այնքան էլ ճիշտ չէր ստիպել այդ ամենի միջով անցնել նաև փոքրիկ երեխային, ով  անպաշտպան է և եթե լիովին անկեղծ լինենք՝ պատասխանատու չէ իր հոր կատարած քայլերի համար: Ի վերջո քաղաքական պայքարը՝ քաղաքական պայքար, բայց պետք է նաև նայել, թե ով է քո առջև՝ քաղաքական շնաձուկ, թե փոքրիկ երեխա, ում ներաշխարհի վրա մեծ քաղաքականության նման դրվագները կարող են խիստ բացասական հետևանքներ թողնել: Թերևս այսօր երեկոյան փոքրիկ Արփի Փաշինյանը կփորձի զրուցել իր հոր հետ և ստանալ այն հարցի պատասխանը, թե որտեղից հայ ազգի մեջ այսքան ատելություն Փաշինյանների ընտանիքի նկատմամբ և ինչպես ինքը` իր հոր կողմից վարչապետի աթոռը լքելուց հետո պետք է ապրի այս հասարակությունում։ Ի դեպ, հիշեցնենք, որ բավական հաճախ հանրային պարսավանքի ալիքի տակ էր հայտնվում Փաշինյանի որդին` Աշոտը, իսկ այսօր փաստացի նաև նրա փոքր քույրն առաջին անգամ առերեսվեց դառը իրականության հետ...

Այս թեմայով Կուսակցությունից դուրս չեմ եկել, միայն` նախագահի պաշտոնից. Վահե Հակոբյան Մահացել է օպերային երգչուհի Աննա Նշանյանը «Ալիևը շտապում է. Փաշինյանի պահվածքը հուշում է սպասվող նոր աղետի մասին». Մետաքսե Հակոբյան (տեսանյութ) ՈՒՂԻՂ. Բագրատ Սրբազանը Սուրբ Աննա եկեղեցու բակում է Կարևոր չէ, թե որ կողմն է հրաժարվողը․ սա նշանակում է, որ ոչ մի խաղաղության գործընթաց էլ չկա․ Սևակ Հակոբյան ՈՒՂԻՂ․ Բագրատ Սրբազանն ու նրա աջակիցները Սուրբ Աննա եկեղեցու բակում են Փաշինյանը, Աննա Հակոբյանն ու Արարատ Միրզոյանը ժամանեցին Լոնդոն Շնորհակալ եմ. առանց ձեր աջակցության ոչինչ չի ստացվի. Աննա Հակոբյան Աննա Դանիբեկյանը կապ չունի Աննա Հակոբյանը լուսանկարներ է հրապարակել Բեռլինից