Հարթակում չկա ապագա վարչապետի թեկնածուն. պայքարը դիտվում է որպես «ռոբասերժական» և «փաշինյանական» ուժերի բախում. Արմեն Այվազյան

Քաղաքական գիտությունների դոկտոր, պատմաբան Արմեն Այվազյանը ֆեյսբուքյան իր էջում գրել է.

«ՔԱՂԱՔԱԿԱՆ ՄՏՈՐՈՒՄՆԵՐ

Ս. թ. մայիսի 9-ին Բագրատ սրբազանը հասավ Երևան և անցկացրեց առաջին մեծ հանրահավաքը։ Դրանից հետո տեղի ունեցան ևս մի քանի հանրահավաքներ, Երևանի փողոցներով երթեր, անհնազանդության տեղային միջոցառումներ ու հանդիպումներ այլևայլ մասնագիտական խմբերի հետ։ Այդ ամենը, սակայն, չբերեց շարժման ծավալմանն ու ընդլայնմանը։ Ընդհակառակը, բողոքի մասնակիցները սկսեցին պակասել։
Այս ակնհայտ հետընթացի պատճառները բազմազան են, բայց այժմ կնշեմ դրանցից միայն մի քանիսը՝ նրանք, որոնք կապված են շարժման ղեկավար կազմի հետ։

1) Հարթակում չի հայտնվել քաղաքական թիմ, որը կարող է ներկայանալ իր հիմնական կազմով, շահել ժողովրդի համակրանքն ու վստահությունը ու կազմել ստվերային (հետագայում՝ անցումային) կառավարություն։ Ամբողջ գործընթացը կառուցված է Բագրատ սրբազանի անձի շուրջ։ Նա է շոգեքարշի պես իր հետևից քաշում-տանում ամբողջ շարժումը։ Այնինչ նրա կողքին պետք է արդեն լինեին հավասարարժեք գործիչներ քաղաքական, ռազմական, մշակութային, գիտական և այլ ոլորտներից։ 

2) Մասնավորապես, հարթակում չկա ապագա վարչապետի թեկնածուն։ Այնուամենայնիվ, ներկա պատմական փուլում հայերը գերազանցապես ու խորապես աշխարհիկ ժողովուրդ են։ Բագրատ սրբազանին կամ որևէ ուրիշ հոգևորական գործչի վարչապետի պաշտոնում շատ քչերը կարող են պատկերացնել։ Բացի այդ, որքան էլ փորձենք իրավական սողանքներ փնտրել, գոյություն ունի սահմանադրականության լրջագույն խնդիր՝ սրբազանի երկքաղաքացիությունը, որը չի կարող հաղթահարվել։ Այն առաջացնելու է ոչ լեգիտիմության՝ «արմենսարգսյանականության» ախտանիշ (սինդրոմ) ու ճանապարհ հարթելու նաև հետագայում սահմանադրության այլ կարևոր կետերի շրջանցման ու արհամարհման համար։ Ապագա կառավարությունում Բագրատ սրբազանը կարող է ունենալ առանցքային այլ դիրք կամ պաշտոն։

3) Հարթակում մինչև այժմ չի հայտնվել գուցե ամենակարևոր դեմքը, որին ժողովուրդը ենթագիտակցորեն ամենաշատն է սպասում՝ ՀԱՅՈՑ ԱՊԱԳԱ ՍՊԱՐԱՊԵՏԸ, ով ընդունակ կլինի ոգեշնչելու ժողովրդին ու ցույց տալու նրան ինքնապաշտպանության (այն է՝ փրկության) ճանապարհը։

4) Կարճ ասած՝ Բագրատ սրբազանին ու նրան շրջապատող գործիչներին, ցավոք սրտի, չի հաջողվել ներկայանալ որպես քաղաքական ԵՐՐՈՐԴ ՈՒԺ, որը տարբեր է թե «նախկիններից», թե «ներկաներից»։ Շատ-շատերը նրա թիմը, ոչ առանց հիմքերի, ընկալում են որպես հիմնականում «նախկին» իշխանությունների ներկայացուցիչների հավաքածու։ Ըստ այդմ, պայքարը դարձյալ դիտվում է որպես «ռոբասերժական» և «փաշինյանական» ուժերի բախում հանուն իշխանափոխության։ Ու սա, թերևս, ամենամեծ և անթույլատրելի սխալն է, որ շարժման ղեկավարությունը չպետք է կատարեր։ Ի վերջո, չի կարելի նույն գետը երկու անգամ մտնել։ Այնինչ վերջին երեքուկես տարում ընդդիմադիր ուժերը նույն գետը փորձում են մտնել վեցերորդ թե արդեն յոթերրորդ անգամ։

 
Լավ չէ, լավ չէ...»։

Այս թեմայով Հայկական կողմը հուշագիր է ստորագրել Բաքվի հետ, որից ԱԳՆ-ն տեղյակ չի եղել. Արա Այվազյան Այսօր քաղբանտարկյալ Արմեն Աշոտյանի ծննդյան օրն է, ազատություն եմ մաղթում իրեն. Սրբազան (տեսանյութ) «ՀՀ վարչապետի գավաթ» սիրողական լողի մրցաշարն 2024 թվականին կանցկացվի օգոստոսի 17-ին Ասկերանի քաղաքապետի նկատմամբ որպես խափանման միջոց կիրառվել է վարչական հսկողություն Վաշինգտոնում բողոքի ցույցեր են ԱՄՆ Կոնգրեսում Իսրայելի վարչապետի ելույթի դեմ Հովհաննեսը մեր մեջ մարմնավորում էր կյանքը, պայքարը, և մեզնից տարավ իր հետ հենց կյանքը․ Ալեքսանդր Կոչուբաև (տեսանյութ) Europris-ի տնօրենը՝ որպես բանտային ծառայության ղեկավար, ներկայացրել է իր ակնկալիքները Հայաստանից Դեսպանը Հունաստանի վարչապետի գրասենյակի համակարգողին ներկայացրել է ՀՀ հիմնական մարտահրավերները Այս պայքարը կմեռնի միայն այն ժամանակ, երբ ես և մեզանից յուրաքանչյուրս մեռած կլինենք. Բագրատ Սրբազանը՝ Նորատուսում Ինչպե՞ս դիմել և ստանալ քաղաքաշինական թույլտվություններ urban.e-gov.am հարթակում. անիմացիոն հոլովակ