Եվրահանձնակատարներից մեկը Վրաստանի ղեկավարին սպառնացել է Սլովակիայի վարչապետի ճակատագրով

Վրաստանի վարչապետ Իրակլի Կոբախիձեն հայտարարել է, որ եվրահանձնակատարներից մեկն իրեն սպառնացել է Սլովակիայի վարչապետ Ռոբերտ Ֆիցոյի ճակատագրով, այս մասին ասվում է կառավարության ֆեյսբուքյան էջում արված հրապարակման մեջ։

«Նույնիսկ երկար տարիների շանտաժի ֆոնին ապշեցուցիչ էր եվրահանձնակատարներից մեկի հետ հեռախոսազրույցում հնչած սպառնալիքը։ Նա, մասնավորապես, թվարկեց մի շարք միջոցներ, որոնք կարող են ձեռնարկել արևմտյան քաղաքական գործիչները «Օտարերկրյա ազդեցության թափանցիկության մասին» օրենքի վրա վետոն հաղթահարելուց հետո և թվարկելիս նշեց.«Տեսաք՝ ինչ եղավ Ֆիցոյի հետ, պետք է շատ զգույշ լինեք»»,- նշել է Վրաստանի վարչապետը։

Կոբախիձեի խոսքով՝ Թբիլիսին արդեն վարժվել է այլ պետությունների սպառնալիքներին կապված, այսպես կոչված, «օտարերկրյա գործակալների մասին օրենքի» ընդունման հետ, սակայն այս անգամ, ըստ նրա, իրավիճակը «առանձնահատուկ մտահոգություն է առաջացնում»։

Ֆիցոյի դեմ մահափորձը տեղի է ունեցել մայիսի 15-ին՝ Գանդլովա քաղաքում կառավարության նիստիցհետո։ Կրակը բացել է 71-ամյա Ջուրաջ Ցինտուլան, երբ վարչապետը մոտեցել է՝ ողջունելու հավաքվածներին։ Վարչապետին դիպել է չորս գնդակ։ Նրա վիճակն այժմ կայունացել է։ Կրակողին տեղում բերման են ենթարկել։

Ֆիցոն բազմիցս դեմ է եղել Ուկրաինային զենք մատակարարելուն, ինչպես նաև հայտարարել է, որ արգելափակելու է այդ երկրի անդամակցությունը ՆԱՏՕ-ին։ Նա նաև ընդգծել է, որ Սլովակիան այն երկրներից չէ, որոնք շահագրգռված են Ռուսաստանից թշնամի դարձնելու հարցում։

Նշենք, որ անցյալ շաբաթ Վրաստանի խորհրդարանը երրորդ և վերջին ընթերցմամբ ձայների մեծամասնությամբ ընդունել է, այսպես կոչված, «օտարերկրյա գործակալների մասին օրենքը»։ Փաստաթղթի շուրջ ծավալվող գործընթացն ուղեկցվել է բողոքի ցույցերով, ոստիկանները ցրել են նրանց և բերման են ենթարկել ակտիվիստներին։

Այս թեմայով ԱՄՆ-ում ձերբակալվել է աշխարհի ամենահայտնի թմրաբարոններից մեկը (լուսանկար) Իվանիշվիլին կարող է դառնալ երկրի պատմության լավագույն նախագահը․ Վրաստանի արդարադատության նախարար «ՀՀ վարչապետի գավաթ» սիրողական լողի մրցաշարն 2024 թվականին կանցկացվի օգոստոսի 17-ին Վաշինգտոնում բողոքի ցույցեր են ԱՄՆ Կոնգրեսում Իսրայելի վարչապետի ելույթի դեմ Ժաննա Անդրեասյանը ներկայացրել է Հայաստանի կինոյի հիմնադրամի նոր ղեկավարին ՊԵԿ-ը 27 միլիոն 207.000 դրամով հրատապ կարգով կվերանորոգի իր վարչական շենքերից մեկը ՌԴ քաղաքացուն առևանգել են, տարել Ծաղկաձորի հյուրանոցներից մեկը և հարազատներից 650.000 դոլար պահանջել Երկրի ապագայի հետ կապված, եթե ինչ-որ հույսեր կային կապելու, այդ մարդկանցից մեկը Հովհաննեսն էր․ Լևս Դավթյան (տեսանյութ) Կանանց Հայաստանի Մ-18 հավաքականը մեկնել է Կոսովո և կմրցի Վրաստանի, Ադրբեջանի և Ալբանիայի հետ Գազայում սպանվել է պաղեստինյան ՀԱՄԱՍ շարժման առաջնորդներից մեկը (տեսանյութ)