«Հուսո առագաստ» 2024 հեղինակային երգի միջազգային փառատոնը սպասում է նոր անունների (լուսանկարներ)

Մեկնարկել է «Հուսո առագաստ»  2024  հեղինակային երգի միջազգային 9-րդ փառատոնը, որը կազմակերպել են «Սիվիլ արտ» մշակութային հասարակական կազմակերպությունը և Բարդերի ակումբը:

Փառատոնն ընթանում է 3 փուլով՝ նախընտրական,  ընտրական և սևանյան։ Նախընտրական փուլի հայտերն ընդունվում են մինչև հունիսի 20-ը։ Մասնակցել կարող են ինչպես հեղինակ-կատարողները, այնպես էլ այլ հեղինակների ստեղծագործությունները սեփական մեկնաբանությամբ կատարող անձինք։

Նախնական ընտրությունն անցած հայտատուները կմասնակցեն հունիսի 28-ին «Մետրո» թատրոնում կայանալիք ընտրական փուլին։ Համերգի ընթացքում ժյուրիի անդամները կընտրեն լավագույններին, որոնք և հնարավորություն կստանան մասնակցել փառատոնի սևանյան փուլին։ Մասնակիցների կացության և սննդի ծախսերը կապահովվեն փառատոնի կազմակերպիչները:

Փառատոնի սևանյան փուլը կներառի երկու համերգային օր և տեղի կունենա հուլիսի 19-21-ը Գեղարքունիքի մարզի Շորժա գյուղին հարակից «WishUp» հանգստյան գոտում։ Համերգներին կմասնակցեն ընտրական փուլի արդյունքում ձևավորված 2024 թվականի, ինչպես նաև նախորդ տարիների «Լավագույն տասնյակների» ներկայացուցիչները, արտերկրից ժամանած հյուրերը և ավագ սերնդի երգահանները։

Գալա համերգային ծրագիրը կամփոփվի հուլիսի 20-ին՝ հավաստագրերի, շնորհակալագրերի ու խորհրդանշական նվերների հանձնման հանդիսավոր արարողությամբ։

Փառատոնի նպատակներն են՝ սկսնակ հեղինակ-կատարողներին հայտնաբերելն ու նրանց ստեղծագործական գործունեությունը խթանելը, բեմ տրամադրելը, ինչպես նաև մշակութային միջավայր ստեղծելը և հեղինակային երգի  սիրահարների ու երգահանների միջև շփում ապահովելը։

Այս թեմայով Վլադիմիր Հակոբյանը դարձել է 2024 թվականի շախմատի ԱՄՆ վետերանների չեմպիոն Հայկ Մարտիրոսյանը՝ «Biel Chess Festival 2024» միջազգային մրցաշարի արծաթե մեդալակիր Նազենի Հովհաննիսյանը Սևանում (լուսանկարներ) Ռիոն միշտ կմնա ինձ հետ՝ իմ ամբողջ կյանքում, կուզեմ՝ այդպես նաև Փարիզ-2024-ը լինի. Արթուր Ալեքսանյան Հզոր թայֆունը հարվածել է Ֆիլիպիններին ու Թայվանին. կան զոհեր (լուսանկարներ, տեսանյութ) ՔՊ-ական Լիլիթ Մինասյանն իր ժամանցն է վայելում Չինաստանում. ինչ լուսանկարներ է նա հրապարակում «ՀՀ վարչապետի գավաթ» սիրողական լողի մրցաշարն 2024 թվականին կանցկացվի օգոստոսի 17-ին Թուրքիայում անձրևներ և հեղեղումներ են (լուսանկարներ) 2024 թվականի ամառային զորակոչի անցկացման ժամկետը երկարաձգվել է մինչև օգոստոսի 15-ը ներառյալ Հուսով եմ՝ Փարիզ-2024-ը կառանձնանա միայն դրական առումով. Մալխաս Ամոյան