Սիրիական կոնֆլիկտի առաջացումից մինչ այժմ Սիրիան լքել է 1,5 միլիոն մարդ

Հարևան երկրներում ապաստան գտած սիրիացի փախստականների թիվը հատել է 1,5 միլիոնի սահմանը. այդ մասին հայտնել է ՄԱԿ-ի Գերագույն խորհրդի՝ փախստականների հարցերով բարձրագույն հանձնակատարը. փոխանցում է ИТАР-ТАСС-ը։

Ապրիլ ամսվա կեսին ՄԱԿ-ը հայտնել էր 1,3 միլիոն փախստականի մասին, ընդ որում, սիրիացիների մեծ մասը երկիրը լքել է ընթացիկ տարում, քանի որ վերջին շրջանում պայքարը կառավարական զորքերի և ընդդիմադիրների մեջ առավել սուր ու դաժան բնույթ էր կրում։

ՄԱԿ-ի գերագույն խորհդի՝ փախստականների հարցերով բարձրագույն հանձնակատար Անտոնիո Գուտիերեսի խոսքերով՝ եթե Սիրիայում իրավիճակը նախկինի պես լարված մնա, ապա մինչև տարեվերջ Սիրիան լքողների թիվը կդառնա 2-3 միլիոն։