«Զինվորների մահերով զբաղվող ինչ-որ իրավապաշտպան եկել է, ու երեխու հերը կտրուկ փոխել է իր դիրքորոշումը»

Կոնստանտին Տեր-Նաքալյանը Facebook սոցցանցի իր էջում գրել է.

«Մի քանի հատ զռռացող բաներ կան զոհված զինվորի հարազատների կողմից զինվորի դին Երևան բերելու պատմության մեջ, որ ուղղակի չի կարելի անուշադրության մատնել:

- Գյուղապետն ասում ա, որ դեռ երեկ ոչ մի խոսակցություն չկար Երևան բերելու մասին, մեկ էլ գիշերը ինչ որ բան ա փոխվում ու կողքից լսած խոսակցություններից ելնելով գյուղապետն ասում ա, որ ինչ որ իրավապաշտպան/զինվորների մահերով զբաղվող ՀԿ-ից են եկել ու էդ երեխու հերը կտրուկ փոխել ա իր դիրքորոշումը:

- Կոնկրետ սպանության դրվագով, ասում են, որ Լյուքսի վրա համածառայակիցը կրակել ա, երբ ինչ որ պատճառով Լյուքսը հայհոյել ա կառաուլում կանգնած զինվորին (սա ոչ մի կերպ չի արդարացնում կատարված զանցանքը, անգամ եթե այդպես էլ եղել է):

- Երևան բերելու լուրերը լսելուն պես ֆեյսբուքում միանգամից ակտիվանում են ընդդիմադիր ակտիվիստնները, թե բա հայ դե, գնում ենք հանրապետության հրապարակ, ընդ որում, էն ակտիվիստները, ում ես տեսա նման կոչեր անելուց բանակ էլ չեն ծառայել սկի, բայց գնում են բանակում տիրող «բեսպրեդելն» արմատախիլ անելու:

- Դե իհարկե, էս ամեն ինչում անպակաս են Սեյրան Օհանյանի հրաժարականը պահանջող ու իրան անիծող գրառումներն ու կոչերը․․․ որպես կանոն կանանց կողմից:

Հիմա եկեք հասկանանք հետևյալ բաները․

- Երկու օր առաջ որդուն կորցրած ծնողներից ողջամտություն ու սթափություն ակնկալելը սխալ է, հիմա նրանք աֆֆեկտի տակ են ու չեն գիտակցում, թե ինչ են անում, դրա համար չեմ պատրաստվում ծավալել, թե որքանով է նպատակահարմար զոհվածի դին բերել Հանրապետության հրապպարակ ու ընդհանրապես, ինչի՞ դեմ են բողոքում:

- Ավելի մեծ ստորություն, քան այս ծնողների զգացմունքների վրա խաղալն ու ինվորի մահի շահարկումով ինչ որ դիվիդենտներ քաղելը չեմ պատկերացնում: Ես հուսով եմ, որ եթե իրոք ինչ որ ՀԿ-իրվապաշտպանոտ դեմքեր են եկել ու էս պատմությունը հրահրել՝ ունենալով դիտավորություն ու շահադիտական նպատակներ, ապա թող իրենք իրենց օրում արև չտենան ու իրանք հայտնվեն էս ծնողների վիճակում:

- Պսևդոընդդիմադիր ու մարգինալ ակտիվիստներ, հուսով եմ մի պահ կսթափվեք, ու կհասկանաք, որ զինվորի մահը քաղաքական նպատակներին ծառայացնելը նույն հարթության վրա է, ինչ էդ զինվորի ծնողների ողբի շաարկումները։

- Սեյրանն ի՞նչ աներ, Սեյրանը կախարդ ա՞, որ հենց էն մի զինվորը ձգանը քաշելու վրա էր, հայտվեր ու հետ պահեր՞, ինչի՞ են ամեն անգամ սաղ դառնում բանակի մեծ գիտակներ: Բա որ ասենք քաղաքացիական կյանքում են դանակով իրար սպանում, ինչի՞ չենք պահանջում ոստիկանապետը հրաժարականը, կամ դանակ արտադրողի, կամ էն մարդու, ով իբր պետք է ամեն վայրկյան վերահսկի տասնյակ հազարավոր ջահել ու իմպուլսիվ տղերքի շարժը:

Մի խոսքով, ամեն անգամ սենց դեպքից հետո սրտիցս արյուն ա կաթում ու ամեն անգամ տեսնում եմ, թե ինչքան շակալներ ու տականքներ ունենք մեր հասարակությունում, ում համար ոչ մի սրբություն ու բարոյական նորմ չի մանցել ու ում համար արգելված ոչինչ չկա՝ հանուն սեփական շահերի բավարարման:

Զինվորի ընտանիքին խորագույն ցավակցություններս․․․»:

Նշենք նաև, որ գրառմանն անդրադարձել է նաև ՊՆ մամուլի խոսնակ Արծրուն Հովհաննիսյանը և գրել.

«Եթե որևէ մեկին թվում է՝ լրագրող, իրավապաշտպան կամ այլ ոչ ուղղակի հարազատ այդ մահացածներից, որ ինքը ավելի շատ է հասկանում կամ ցավում այդ կորուստների համար քան մենք, կոնկրետ պաշտպանության Նախարար Սեյրան Օհանյանը չարաչար սխալվում է: Նա ամեն ինչ անում է ու օր ու գիշեր աշխատում է, որ անդաստիարակ զինվորն ու սպան նման հանցագործություններ չանեն: Ցավոք չնայած նրան որ տարեցտարի այդ կորոստները քչանում են, իսկ դա փաստ է, ինչքան էլ ստեն, դեռ չի հաջողվում դա անել: Սա կեղտոտ շահարկում է և ապապետական քայլ: Եղել է հանցագործություն, ընդ որում ամեն ինչ արդեն պարզ է և այլ վարկածներ ու կեղծիքներ այստեղ գրեթե հնարավոր չեն: Ի վերջո ինքնասպանություն կամ դրան հասցնել չի, որ ծնողը չհավատա: Ես խոստանում եմ, որ երբ այս շոուն ավարտվի, ու ամեն ինչ սթափ լինի, ես կտրամադրեմ ինֆորմացիան լիովին տեսնեմ եդ ով է կարողանալու հստակ մեղադրել նախարարին»: 

Լուսանկարը՝ Tert.am-ի: