Եգիպտոսը տանկեր է մտցրել Սինայի թերակղզի՝ առևանգված զինվորականներին ազատելու համար

Ինչպես տեղեկացնում է Ria Novosti գործակալությունը, այսօր Եգիպտոսի զինված ուժերը Սուեզի ջրանցքի միջոցով տասնյակ տանկեր և այլ ծանր ռազմական տեխնիկա են տեղափոխել Սինայի թերակղզի: Ակնկալվում է, որ այդ ռազմական տեխնիկան մոտակա ժամերի ընթացքում կմտնի Շեյխ Զուայդ, ուր, ենթադրաբար, գտնվում են  գրոհայինները, ովքեր հինգշաբթի օրը առևանգել էին եգիպտացի զինվորականներին և ոստիկաններին:

Նշենք, որ հինգշաբթի օրը իսլամիստ գրոհայինները Սինայի թերակղզու հյուսիսում իրենց 3 ձերբակալված ընկերների դիմաց փոխանակման համար առևանգել էին ոստիկանությանբ 3 և զինվորական ստորաբաժանումների 4 զինծառայողի: Եգիպտոսի իշխանությունները հայտարարել են, որ իրենց հաջողվել է պարզել առևանգիչների անունները:

Եգիպտոսի նախագահ Մուհամմեդ Մուրսին նախօրեին հայտարարել էր, որ գրոհայինների հետ ոչ մի բանակցության մասին խոսք գնալ չի կարող: