Իսրայելում բանկի վրա հարձակված կողոպտիչն ինքնասպան է եղել՝ ազատ արձակելով պատանդին

Իսրայելի Բեր-Շևա քաղաքում բանկի վրա զինված հարձակում գործած կողոպտիչն ինքնասպան է եղել՝ կրակելով իր վրա, գրում է «Հաարեց»-ը:

Համաձայն այդ տեղեկությունների՝ ինքնասպանություն գործելուց առաջ նա բաց է թողել պատանդ վերցրած կնոջը, ում զենքի սպառնալիքի տակ պահում էր մի քանի ժամ շարունակ:

Ըստ առկա վերջին տեղեկությունների՝ նրա զինակից 2-րդ կողոպտիչը վիրավորվել է ոստիկանության հետ փոխհրաձգության ժամանակ:

Նա ծանր վիճակում տեղափոխվել է հիվանդանոց:

Ինչպես ավելի վաղ հայտնի էր դարձել, 2 հանցագործները ներխուժել էին բանկ և սկսել կրակել մարդկանց ուղղությամբ, որի արդյունքում սպանվել էր 4 հոգի և վիրավորվել 2-ը:  

Կողոպտիչների ինքնությունը չի նշվում: Չի նշվում նաև, թե ովքեր են եղել զոհերը: Ոստիկանությունը հետաքննություն է տանում: