Կյանքը` գողական օրենքներով

Սևան Աղաջանյանը ֆեյսբուքյան իր էջում գրել է.

«Իսկապե՞ս այժմ Հայաստանում այսպիսի իրավիճակ է:

Դուք ձեր վրա առօրյա կյանքում զգու՞մ էք «գողական հեղինակությունների» կամ ընդանրապես «գողականության» ազդեցությունը:
Լինի ուղղակի կամ անուղղակի ձևով:

Շատ կարևոր ու ցավալի թեմա է: Չէի ասի, թե այդ բարքերը համատարած տիրում են ամենուրեք, բայց որ շատ շատերը այդ գաղափարախոսությունով են առաջնորդվում, դա զգացվում է ամեն քայլափոխին: Մանավանդ պատանիների ու երիտասարդների շրջանում: Ու սա համարյա հավակնում է ազգային, հասարակական և մարդկային գաղափարախոսություն դառնալուն:Քանի որ փուչ տեղը երկար ժամանակ դատարկ չի կարող մնալ, դրա համար էլ մեր գաղափարախոսական դատարկ դաշտը լցվում է դրանով: Սա հետևանք է բացիթողի վիճակի: Մի օրինակ բերեմ մշակութային ոլորտից: Մշակույթի նախարարությունը ասում է՝ «Մենք ազատ ենք թողել մշակությաին դաշտը, որպիսի «զարգանա» այն մշակույթը, որի կարիքը և պահանջարկը կա»: Բայց ինչպես այս առիթով միշտ մեջբերում եմ՝ «Անմշակ դաշտում մեծամասամբ աճում են միայն մոլախոտեր»:

Հիմա անցնեմ պահանջարկին: Մենք մեր օրինակի վրա ենք զգացել, որ պահանջարկը ձևավորվոմ է մեծամասամբ առաջարիկի հիման վրա: Առաջարկն է, որ ձևովորում է ճաշակ և արթնացնում է մարդու մեջ համապատասխան ներքին մղումներ: Մարդու մեջ ամեն ինչ էլ կա: Եթե ուզում ենք լավ,բարեկիրթ հասարակություն ունենալ նշանակում է պետք է աշխատենք մարդու մեջ ճիշտ մղումներն ու ձգտումները արթնացնելու ուղղությամբ: Բայց ցավոք սրտի այս հարցում որևէ պետական մոտեցում չի դրսևորվում: Հակառակը այսօրվա պետական մոտեցումը նպաստում է դրա խորացմանը: Բայց ամեն ինչ այդքան էլ տխուր չի: Քանի որ մեր հասարակությունում դեռ կան բավականին շատ անհատներ, ովքեր իրենց անձնական միջոցներով փորձում են անմշակ դաշտը մշակման ենթարկել»: