Թուրք վարչապետ Էրդողանը դատի է տվել ընդդիմության առաջնորդին` իրեն Ասադի հետ համեմատելու համար

Թուրքիայի վարչապետ Ռեջեփ Թայիփ Էրդողանը դատի է տվել ընդդիմադիր «Հանրապետական ազգային կուսակցության» առաջնորդ Քեմալ Քըլըչդարօղլուին՝ իրեն Սիրիայի նախագահ Բաշար Ասադի հետ համեմատելու համար. ուրբաթ օրը տեղեկացնում է Anadolu  գործակալությունը: 

Էրդողանը 1 մլն թուրքական լիրա փոխհատուցում է պահանջում բարոյական վնասի համար:

Վարչապետ էրդողանի փաստաբանները դատարան էին դիմել այն բանից հետո, երբ Քըլըչդարօղլուն հայտարարել էր, որ Էրդողանը մեղավոր է Ռեյհանլիում ահաբեկչության հետևանքով 51 մարդկանց մահվան համար, և որ նա ոչնչով չի տարբերվում Բաշար Ասադից: Բացի այդ, ընդդիմադիր գործիչը նշել էր, որ Էրդողանը Ասադի նման հակաժողովրդավարական քաղաքականություն է վարում: