Լիբանանի մայրաքաղաք Բեյրութը հրթիռային հարձակման է ենթարկվել

Կիրակի օրը առավոտյան «Գրադ»  տեսակի 2 հրթիռ է ընկել Լիբանանի մայրաքաղաք Բեյրութի հարավային արվարձաններից մեկի վրա. գրում է Agence France-Presse-ը: Հրթիռակոծման արդյուքնում վիրավորվել է 4 մարդ: Հրթիռերից մեկը վայր է ընկել ցուցահանդեսի սրահի վրա` վիրավորելով սրահի 4 սիրիացի աշխատակիցներին:

Մյուս հրթիռն ընկել է բնակելի թաղամասի վրա` առաջ բերելով զգալի ավերածություններ: Ալ Շայախ շրջանը, ուր որոտացել են պայթյունները, բնակեցված է շիաներով և համարվում է «Հիզբոլլահ»-ի հենակետերից մեկը: Հարձակումներն իրականացվել են Լեռնալիբանանի Այաթ քաղաքից:

Ենթադրաբար, հրթիռային հարձակումը կազմակերպվել էր «Հիզբոլլահ»-ի առաջնորդ Հասան Նասրալլահի շաբաթօրյա ճառից հետո, որում նա հերթական անգամ աջակցություն էր հայտնում Սիրիայի նախագահ Բաշար Ասադին: Լիբանանյան շիաները, որոնց միավորում է «Հիզբոլլահ»-ը, համարվում են Ասադի մոլեռանդ պաշտպանները, որոնց դիմակայում են ապստամբ սուննի խմբավորումները:

Բեյրութի հրթիռակոծումն առաջին նախադեպն է Լիբանանի մայրաքաղաքում 2.5 տարի շարունակվող սիրիական հակամարտության պատմության ընթացքում: Լիբանանի բնակչությունը միանշանակ չի վերաբերվում Սիրիայի քաղաքացիական պատերազմին: 2013թ. մայիսին քաղաքացիների մի խումբ բողոքի ակցիա էր կազմակերպել ընդդեմ սիրիական հակամարտությանը «Հիզբոլլահի» գրոհայինների մասնակցության:

Տրիպոլիում այդ ցույցերը վերածվել էին զինված բախումների: