Դամասկոսի արվարձանները ապստամբների վերահսկողությունից դուրս են եկել

Սիրիայի կառավարական զորքերը կրկին իրենց վերահսկողության տակ են վերցրել Դամասկոսի արվարձանները, որոնք ավելի վաղ գրավվել էին ապստամբների կողմից։

Ռազմական գործողությունները սկսվել են կիրակի օրը։ Տարբեր աղբյուրների փոխանցմամբ՝  ռազմական գործողություններին մասնակցել են մի քանի հազար զինվորներ, տասնյակ տանկեր և զրահապատ մեքենաներ։

Ըստ ակտիվիստների՝ ռմբակոծվել են Սակբա տարածաշրջանի արևելյան մասերը։ Նախնական տեղեկություններով՝ զոհերի թվում կան խաղաղ բնակիչներ։