Հարավային Լիբանանի գրոհայինները հրթիռ են արձակել Իսրայելի ուղղությամբ

Հարավային Լիբանանի տարածքից անհայտ գրոհայինները հրթիռ են արձակել Իսրայելի ուղղությամբ: Հրթիռը վայր է ընկել մայիսի 27-ի գիշերը Մարջայուն քաղաքից ոչ շատ հեռու՝ լիբանանա-իսրայելական սահմանից 6 կմ հեռավորության վրա: Զոհերի և վիրավորների մասին որևէ տեղեկություն չկա, հայտնում է ИТАР-ТАСС-ը: 

Միջադեպի հետաքննության համար Մարջայուն են ժամանել Լիբանանի զինվորականներն ու ՄԱԿ-ի խաղաղարարները:

Նշենք, որ մայիսի 26-ի առավոտյան «Գրադ» տեսակի 2 հրթիռ էր արձակվել հարավային Լիբանանի ուղղությամբ: Հրթիռները պայթել էին մայրաքաղաք Բեյրութի շիական Ալ Շիյախ թաղամասում` Սուրբ Միքայել եկեղեցու հարևանությամբ: Վիրավորվել էր 5 մարդ, որոնց թվում՝ 4 սիրիացիներ: