Թուրքիայում համբուրվելու միջոցով բողոքի ակցիա է տեղի ունեցել` պետության իսլամականացման դեմ

Թուրքիայում պետության իսլամականացման դեմ բողոքի ակցիա է տեղի ունեցել: Ինչպես հայտնում է MIGnews.com-ը, միջոցառման մասնակիցները հրապարակայնորեն սկսել են համբուրվել փողոցներում և մետրոներում` նման միջոցով իրենց բողոքը հայտնելով երկրի քաղաքականության դեմ: 

Շուրջ 200 ակիտիվիստներ միաժամանակ սկսել են համբուրվել` դրանով մեկնարկելով իրենց ակցիան: Այդ պահին քարերով և մահակներով ցուցարարների վրա են հարձակվել իսլամիստները: 

Թուրքիայի բնակիչները հաճախ են իրենց վրդովմունքը հայտնում երկրի պահպանողական քաղաքականության դեմ, որը նրանց պարտադրում է իսլամական արժեքներ և արգելում երիտասարդներին համբուրվել փողոցում: