Սերժ Սարգսյանը շատ «ճիշտ», «նախաձեռնող», «խելացի» քաղաքականություն է վարում

«Ժառանգություն» կուսակցության քարտուղար Ստյոպա Սաֆարյանը ֆեյսբուքյան իր էջում գրել է.

«1. Նախագահական ընտրություններից հետո ԵՄ-ը «առաջընթացի զեկույցով» ասաց` կպեք Մադրիդյան սկզբունքներին զի ճանաչել ենք նախագահական ընտրությունների լեգիտիմությունը:

2. Օրերս ՌԴ ԱԳ նախարար Լավրովն ասաց` Հայաստանը պետք է ադրբեջանական տարածքները վերադարձնի եւ ստատուս-քվոն պետք է փոխվի, այլապես Բաքուն ճիշտ է անում, որ բլոկադա է անում Երեւանին ու Ստեփանակերտին:

4. ԵԽԽՎ նախագահ Մինյոնը Բաքվում ասաց, որ սիրուն աչքերի համար չենք նախարարների կոմիտեի նախագահությունը տալիս Հայաստանին ու Ադրբեջանին. գյադագյուդեք, արագացրեք հիմնարար սկզբունքների շուրջ համաձայնության ձեռքբերումը, ԵԽԽՎ-ում «նոր ուղղություն» է լինելու, ինչին տեղյակ են Հայաստանի ու Ադրբեջանի պատվիրակությունների ղեկավարները,

3. Բիշկեկում ՀԱՊԿ-ը հայտարարություն ընդունեց, որ համակամարտությունը պետք է լուծվի ուժ չկիրառելու, տարածքային ամբողջականության եւ ժողովուրդների ինքնորոշման սկզբունքների հիման վրա/չշփոթեք, Իսլամական երկրների կոնֆերանսը չի ասել/,

4. Սերժ Սարգսյանը խռովել է ու չի գնում Բիշքեք ՀԱՊԿ գագաթաժողովին մասնակցելու` «նման այց նախատեսված չէ»:

Տանից դուրս չգալը ճիշտն է, լրիվ շառուշուռ են: Սերժ Սարգսյանը շատ «ճիշտ», «նախաձեռնող», «խելացի» քաղաքականություն է վարում: Իսկը տարածաշրջանային առաջնորդ, ինչպես կասեր իմ ընկեր Էդիկ Շարմազանովը...»: