Սեպտեմբերի 11–ի ահաբեկչությունը 21-րդ դարի մեծագույն կեղծիքն է. Ահմադինեժադ

Իրանի նախագահ Մահմուդ Ահմադինեժադը հայտարարել է, որ չի հավատում 2001-ի սեպտեմբերի 11–ի ահաբեկչությանը ԱՄՆ գաղտնի ծառայությունների անմասն լինելուն։ Իրանի նախագահը ասել է, որ, լինելով ինժեներ, երբեք չի հավատա, որ Նյու–Յորքյան երկնաքերերը փլուզվել են այն բանից հետո, երբ նրանց մեջ մխրճվել են մեկական ինքնաթիռներ։

Ահմադինեժադը վստահություն է հայտնել, որ ահաբեկչության ենթարկված շենքերը նախօրոք ականապատվել էին։ Իրանի նախագահը հիշեցրել է, որ Բարակ Օբաման, զբաղեցնելով ԱՄՆ նախագահի պաշտոնը, այդպես ել ոչինչ չձեռնարկեց 9/11–ի գործով պատշաճ հետաքննություն սկսելու համար։

Ի ամփոփումն Ահմադինեժադը հայտարարել է, որ սեպտեմբերի 11–ի ահաբեկչությունը հանդիսանում է 21–րդ դարի ամենամեծ կեղծիքներից մեկը։ Միաժամանակ Իրանի նախագահը ասել է, որ ԱՄՆ–ը դիտավորյալ բորբոքում է իրան–ամերիկյան հակամարտությունը։ Նրա խոսքեով՝ Իրանը պատրաստ է համագործակցել ԱՄՆ–ի հետ մի շարք կարևոր հարցերի շուրջ, սակայն Միացյալ Նահանգները հնարավորություն ունենալով հարթել հարաբերությունները՝ ինչ-որ անհասկանալի պատճառով հրաժարվում է այդ քայլին դիմելուց։