ԼՂՀ-ում 2011-ին ծնունդների քանակը երկու անգամ գերազանցել է մահվան դեպքերի թիվը

Լեռնային Ղարաբաղի Հանրապետության  ազգային վիճակագրական ծառայությունն  ամփոփել է 2011-ի ժողովրդագրական ցուցանիշները: Ըստ այդմ, նախորդ տարվա ընթացքում հանրապետությունում ծնունդների քանակը երկու անգամ գերազանցել  է մահվան դեպքերի թիվը, և արդյունքում բնական աճը կազմել է 1289 մարդ: Միջազգային մասշտաբով, հազար բնակչի հաշվով ԼՂՀ-ում արձանագրված ցուցանիշը՝ 18 տոկոս ծնունդ, ԱՊՀ անդամ պետություններից զիջում է միայն միջինասիական պետություններին: Հայաստանում համապատասխան ցուցանիշը կազմում է 13,8, Ադրբեջանում՝ 17 տոկոս ծնունդ: 

Հատկանշական է, որ 2011-ի ընթացքում ծնվածների շրջանում գերակշռել են տղաները՝ 52,3 տոկոս: Բազմապտուղ երկծնունդների թիվը 23-ն է, ծնվածների շրջանում գերակշռել են քաղաքաբնակները, հաղորդում է Artsakh.tv-ն: