Հուժկու բախումներ ոստիկանության ու ցուցարարների միջև Թուրքիայում (լուսանկարներ)

Ինչպես ավելի վաղ հայտնել էր Լուրեր.com-ը Թուրքիայում ոստիկանները ցրել են Ստամբուլի ցույցը: Կան վիրավորներ: Արդեն մի քանի օր շարունակվող ցույցը, որին մասնակցում են պատգամավորներ և մտավորական գործիչներ, նպատակ ունի թույլ չտալ այգու ծառահատումը, որը Թաքսիմ շրջանում կառուցված շենքերի մեջ եզակի օազիս է:

Առաջին բախումները տեղի են ունեցել Երևանի ժամանակով առավոտյան 06.00-ի սահմաններում: Ոստիկանները դուրս է վռնդել այգում հավաքվածներին, որոնք, փախչելով ջրցան մեքենաներից և արցունքաբեր գազից, վնասվածքներ են ստացել:

Emedia.am-ի փոխանցմամբ, ըստ Թվիթերում տարածվող տեղեկությունների, ոստիկանությունն արցունքաբեր գազ է կիրառել Ստամբուլի Թաքսիմ Մետրոյի կայարանում, ուր փորձում էին թաքնվել ցուցարարների մի մասը։ Մետրոյում կային նաև բախումներին չմասնակցող մարդիկ։ Ստամբուլի ոստիկանապետը հրաժարականի դիմում է ներկայացրել։ 

Ցույցերը չեն դադարում, այլ միանում են այլ քաղաքներ՝ Մերսինը, Կոնյան, Տրաբզոնը։